തിരുവനന്തപുരം: രാജ്യത്തൊട്ടാകെ പ്രതിഷേധങ്ങള് അലയടിക്കുമ്പോഴും പൊതുജനങ്ങളുടെ കീശ കാലിയാക്കി പെട്രോളും ഡീസലും. കടുത്ത വിമര്ശനങ്ങള്ക്കെല്ലാം പുല്ലുവില കല്പ്പിച്ച് ഇന്ധനവില ഇന്നും കൂടി. റെക്കോര്ഡുകള് ഭേദിച്ചാണ് ഇപ്പോള് ഇന്ധനവിലയുടെ കുതിപ്പ്.
കോഴിക്കോട് പെട്രോളിന് 12 പൈസ കൂടി 82രൂപ 74പൈസയായി ഡീസലിന് 49പൈസകൂടി 76രൂപ 76പൈസയാണ് ഇന്നത്തെ വില. തിരുവനന്തപുരത്ത് പെട്രോളിന് 83.88പൈസയും ഡീസലിന് 77.80യുമാണ് വില. കണ്ണൂരില് പെട്രോളിന് 82രൂപ 77പൈസയും ഡീസലിന് 76രൂപ 78 പൈസയുമാണ് വില.
ഡോളര് കരുത്താര്ജിച്ചതും ചില ഒപെക് രാജ്യങ്ങള് പ്രതീക്ഷിച്ച തോതില് ഉല്പാദനം കൂട്ടാതിരുന്നതുമാണ് വിലവര്ധനയ്ക്ക് കാരണമെന്നാണ് കേന്ദ്രസര്ക്കാര് വിലയിരുത്തല്. ഇറാന്, വെനസ്വെല, തുര്ക്കി തുടങ്ങിയ രാജ്യങ്ങളിലെ പ്രതിസന്ധിയും വിലവര്ധിക്കാന് ഇടയായി.