കൊച്ചി: കന്യാസ്ത്രീ നല്കിയ പീഡന പരാതിയില് ജലന്ധര് ബിഷപ്പ് ഫ്രാങ്കോ മുളയ്ക്കലിന്റെ അറസ്റ്റ് വൈകുന്നതില് പ്രതിഷേധിച്ച് ഇന്ന് മുതല് സത്യാഗ്രഹസമരം. ജോയിന്റ് ക്രിസ്ത്യന് കൗണ്സിലിന്റെ നേതൃത്വത്തിലാണ് സത്യാഗ്രഹം നടത്തുന്നത്.
എറണാകുളം ഹൈക്കോടതി ജംഗ്ഷനിലാണ് സത്യാഗ്രഹമിരിക്കുന്നത്. ജോയിന്റ് ക്രിസ്ത്യന് കൗണ്സില് ഭാരവാഹികള്ക്കൊപ്പം കുറവിലങ്ങാട് മഠത്തിലെ കന്യാസ്ത്രീകളും പ്രതിഷേധ സമരത്തില് പങ്കാളികളാകും. ലൈംഗികാരോപണ വിധേയനായ ജലന്ധര് കത്തോലിക്ക ബിഷപ്പ് ഫ്രാങ്കോ മുളയ്ക്കലിനെതിരെ ഇതിനിടെ കൂടുതുല് മൊഴികള് പുറത്തു വന്നിരുന്നു.
തിരുവസ്ത്രം ഉപേക്ഷിച്ചത് ബിഷപ്പിന്റെ മോശം പെരുമാറ്റം മൂലമാണെന്നാണ് രണ്ട് കന്യാസ്ത്രീകള് മൊഴി നല്കിയത്. ബിഷപ്പിനെതിരെ മഠത്തിലെ കന്യാസ്ത്രീകളില് നിന്ന് മൊഴികളൊന്നും ലഭിച്ചിരുന്നില്ല. എന്നാല്, പരാതി ഉന്നയിച്ച കന്യാസ്ത്രീയടക്കം നാലുപേര് ഇപ്പോള് ബിഷപ്പിനെതിരെ മൊഴി നല്കിയിട്ടുണ്ട്.