തിരുവനന്തപുരം; പികെ ശശിക്കെതിരെയുള്ള ലൈംഗീക പീഡന പരാതി അന്വേഷിക്കാന് സംസ്ഥാന പോലീസ് മേധാവിക്ക് ദേശീയ വനിത കമ്മീഷന്റെ നിര്ദേശം. അന്വേഷണ റിപ്പോര്ട്ട് എത്രയും വേഗം സമര്പ്പിക്കാനും കമ്മീഷന് സംസ്ഥാന പോലീസ് മേധാവിക്ക് നിര്ദേശം നല്കി.
എംഎല്എയ്ക്കെതിരായ ലൈംഗിക പീഡന പരാതിയില് ദേശീയ വനിതാ കമ്മീഷന് സ്വമേധയാ കേസെടുക്കുകയായിരുന്നു. ദേശീയ വനിതാ കമ്മീഷന് അധ്യക്ഷ രേഖാ ശര്മ്മയാണ് കേസെടുത്ത വിവരം അറിയിച്ചത്.
വനിതാ കമ്മീഷന് അന്വേഷണം തുടങ്ങിയതിന് പിന്നാലെയാണ് സംസ്ഥാന പോലീസ് മേധാവിയോട് റിപ്പോര്ട്ട് തേടിയത്. മാധ്യമ വാര്ത്തകളുടെ അടിസ്ഥാനത്തിലാണ് വനിതാ കമ്മിഷന് സ്വമേധയാ കേസെടുത്തത്.