ന്യൂഡല്ഹി: കോവിഡ് പടര്ന്നുപിടിച്ചതോടെ രാജ്യത്ത് ഏര്പ്പെടുത്തിയ നിയന്ത്രണ നടപടികള് അവസാനിപ്പിക്കാന് തീരുമാനിച്ച് കേന്ദ്ര ആഭ്യന്തര മന്ത്രാലയം. കോവിഡ് വ്യാപനത്തിന്റെ പശ്ചാത്തലത്തില് 2020 മാര്ച്ച് 24ന് ഏര്പ്പെടുത്തിയ ദുരന്ത നിവാരണ നിയമപ്രകാരമുള്ള നിയന്ത്രണങ്ങളാണ് പിന്വലിക്കുന്നത്.
അതേസമയം പൊതു സ്ഥലങ്ങളില് മാസ്ക് ധരിക്കുന്നതും സാമൂഹ്യ അകലം പാലിക്കുന്നതും തുടരണമെന്ന് മന്ത്രാലയം വ്യക്തമാക്കി. 2020 മാര്ച്ച് 24ന് ഏര്പ്പെടുത്തിയ ദുരന്ത നിവാരണ നിയമപ്രകാരമുള്ള നിയന്ത്രണങ്ങള് കേന്ദ്ര സര്ക്കാര് പലവട്ടം പുതുക്കിയിരുന്നു.
അവസാനം പുതുക്കി ഇറക്കിയ ഉത്തരവിന്റെ കാലാവധി ഈ 31ന് അവസാനിക്കുകയാണ്. ഇനി പുതിയ ഉത്തരവ് ഇറക്കില്ലെന്ന് ആഭ്യന്തര മന്ത്രാലയം സെക്രട്ടറി അജയ് ഭല്ല സംസ്ഥാനങ്ങള്ക്ക് അയച്ച കത്തില് വ്യക്തമാക്കി. കഴിഞ്ഞ ഇരുപത്തിനാലു മാസമായി തുടരുന്ന നിയന്ത്രണങ്ങള് കോവിഡിനെതിരായ പ്രതിരോധം ശക്തമാക്കിയിട്ടുണ്ടെന്ന് കത്തില് പറയുന്നു.