ന്യൂഡല്ഹി: രക്ഷകര്ക്ക് നന്ദി പറഞ്ഞ് കമാന്ഡര് അഭിലാഷ് ടോമി. കടല് അതീവ പ്രക്ഷുബ്ധമായിരുന്നു, തുരിയ പ്രകൃതിക്ഷോഭത്തോട് മല്ലിട്ടു. നേവിയിലെ പരിശീലനവും ഉള്ളിലെ സൈനികനും തുണയായി. നാവികവൈദഗ്ധ്യമാണ് രക്ഷിച്ചതെന്നും അഭിലാഷ് പറഞ്ഞു. രക്ഷിച്ചവര്ക്കും ഇന്ത്യന് നാവികസേനയ്ക്കും
നന്ദി. ആശുപത്രികിടക്കയില് കിടന്ന് ആത്മവിശ്വാസത്തോടെ അഭിലാഷ് ടോമി കുറിച്ചു.
ആംസ്റ്റര്ഡാമിലെ ദ്വീപില് ചികിത്സയില് കഴിയുന്ന അഭിലാഷ് ടോമിയുടെ ചിത്രങ്ങളും നാവികസേന പുറത്തുവിട്ടു. ഇന്ത്യന് നാവികസേനയുടെ കപ്പല് ഐഎന്എസ് സത്പുര വെള്ളിയാഴ്ച ദ്വീപിനടുത്തെത്തും. ഇതിന് ശേഷം മാത്രമേ അഭിലാഷിനെ എവിടേക്ക് കൊണ്ടുപോകുമെന്ന കാര്യത്തില് തീരുമാനമാകൂ.
അഭിലാഷിന്റെ ആരോഗ്യനില തൃപ്തികരമാണെന്നാണ് വൈദ്യപരിശോധയില് വ്യക്തമായിരുന്നു. അഭിലാഷ് ടോമിയുടെ ആരോഗ്യനില തൃപ്തികരമെന്ന് ദക്ഷിണ നാവിക കമന്ഡാന്റ് വൈസ് അഡ്മിറല് എകെ ചാവ്്ള പറഞ്ഞു. വിദഗദ്ധ സംഘത്തിന്റെ അഭിപ്രായമറിഞ്ഞ ശേഷമേ തുടര് ചികിത്സയക്കായ് കപ്പല് മാര്ഗമോ, എയര് ലിഫ്റ്റിങ് വഴിയോ മാറ്റുന്ന കാര്യം തീരുമാനിക്കൂവെന്ന് എകെ ചാവ്്ള അറിയിച്ചു.
രണ്ടു ദിവസത്തെ ആശങ്കകള്ക്കും അനിശ്ചിതത്വങ്ങള്ക്കും ഒടുവിലാണ് കമാന്ഡര് അഭിലാഷ് ടോമി സുരക്ഷിതനായത്. ഗോള്ഡന് ഗ്ളോബ് പ്രയാണത്തിനിടെ ഇന്ത്യന് സമയം ശനിയാഴ്ച പുലര്ച്ചെ അഞ്ചുമണിയോടെയാണ് സംഘാടകര്ക്ക് അഭിലാഷിന്റെ അപകടസന്ദേശം ലഭിക്കുന്നത്. തുടര്ന്നാണ് രാജ്യാന്തരതലത്തില് വിപുലമായ രക്ഷാപ്രവര്ത്തനങ്ങള് ആരംഭിച്ചത്. രക്ഷാപ്രവര്ത്തന ദൃശ്യങ്ങളും ഇതിനിടെ പുറത്തുവന്നു.
കന്യാകുമാരിയില് നിന്ന് 5020 കിലോമീറ്ററും ഓസ്ട്രേലിയയിലെ പെര്ത്തില് നിന്ന് 2700 കിലോമീറ്ററും ദൂരത്താണ് അഭിലാഷിന്റെ തുരീയ എന്ന പായ്വഞ്ചി അപകടത്തില് പെടുന്നത്. അതിശക്തമായ കൊടുങ്കാറ്റില് പായ്ക്കപ്പലിന്റെ മൂന്ന് പായ്മരങ്ങളും ഒടിയുകയായിരുന്നു. നിയന്ത്രണം നഷ്ടപ്പെട്ട ബോട്ടില് വീണാണ് അഭിലാഷിന് ഗുരുതരമായ പരുക്കേറ്റത്. തുടര്ന്നാണ് അഭിലാഷ് അപകടസന്ദേശം അയക്കുന്നത്.
സാറ്റലൈറ്റ് ഫോണില് നിന്ന് ലഭിച്ച സന്ദേശം ലക്ഷ്യമാക്കി ഇന്ത്യന് നാവികസേനയുെട ഐപി 8 ഐ വിമാനം തിരച്ചില് തുടങ്ങി. വൈകാതെ പായ്വഞ്ചി കണ്ടെത്തി ചിത്രങ്ങള് എടുത്തു. പായ്വഞ്ചിയുടെ സ്ഥാനം ലഭിച്ചതോടെ മൗറീഷ്യസിന് സമീപമുള്ള റിയൂണിയന് ദ്വീപില് നിന്നുള്ള മല്സ്യബന്ധനക്കപ്പലായ ഒസിരിസ് മെഡിക്കല് സംഘവുമായി അഭിലാഷിന്റെ സമീപത്തേക്ക് യാത്രതിരിച്ചു.
അതിശക്തമായ കാറ്റും മുപ്പത് മീറ്റര് ഉയരത്തിലുള്ള തിരമാലകളും ആദ്യഘട്ടത്തില് രക്ഷാപ്രവര്ത്തനങ്ങള്ക്ക് തിരിച്ചടിയായി. പായ്വഞ്ചിക്ക് സമീപമെത്തിയ കപ്പലില് നിന്ന് ചെറിയ ബോട്ടില് മെഡിക്കല് സംഘം അഭിലാഷിനടുത്തെത്തി.പരിശോധനകള്ക്ക് ശേഷം ഓസിരസിലേക്ക് മാറ്റി. പിന്നീട് ലെ അംസ്റ്റര്ഡാം എന്ന ചെറിയ ദ്വീപിലേക്ക് അഭിലാഷിനെ എത്തിച്ച് അവശ്യചികിത്സ നല്കുകയായിരുന്നു.
The sea was unbelievably rough. Me & my boat Thuriya were pitched against the nature's might. I survived because of my sailing skills, the soldier bit in me and my Naval training cut-in for that fight – Cdr Abhilash Tomy. Very thankful to #IndianNavy & all who rescued me pic.twitter.com/vNhZN2fJjj
— SpokespersonNavy (@indiannavy) 26 September 2018