കൊച്ചി: മലയാള സിനിമയില് പകരം വെക്കാനില്ലാത്ത നടിയാണ് കെപിഎസി ലളിത. നടിയുടെ വിയോഗം കേരളക്കരയെ ഒന്നടങ്കം വേദനയിലാഴ്ത്തുകയാണ്. അമ്മയെപ്പോലെ സ്നേഹിച്ചിരുന്ന ഒരാള് ആണ് യാത്രയാകുന്നതെന്ന് കണ്ണീരോടെ പറയുകയാണ് നടി മഞ്ജു വാര്യര്.
ചേച്ചീ എന്നാണ് വിളിച്ചിരുന്നതെങ്കിലും മനസില് എന്നും അമ്മ മുഖമാണെന്നും കെപിഎസി ലളിതയെ അനുസ്മരിച്ച് മഞ്ജു കുറിച്ചു. ഒരുമിച്ച് ചെയ്ത ഒരുപാട് സിനിമകളുടെ ഓര്മകളില്ല. പക്ഷേ ഉള്ളതില് നിറയെ വാത്സല്യം കലര്ന്നൊരു ചിരിയും ചേര്ത്തു പിടിക്കലുമുണ്ട് എന്ന് മഞ്ജു പറയുന്നു.
also read: എട്ട് മാസത്തിനുള്ളില് അടുത്ത കോവിഡ് തരംഗം, പടരുക പുതിയ വകഭേദമെന്ന് മുന്നറിയിപ്പ്
‘മോഹന്ലാല് ‘ എന്ന സിനിമയില് അമ്മയായി അഭിനയിച്ചതാണ് ഒടുവിലത്തെ ഓര്മ. അഭിനയത്തിലും ലളിതച്ചേച്ചി വഴികാട്ടിയായിരുന്നു. അമ്മയെപ്പോലെ സ്നേഹിക്കുകയും അധ്യാപികയെപ്പോലെ പലതും പഠിപ്പിക്കുകയും ചെയ്ത, അതുല്യ കലാകാരിക്ക് വിട. മഞ്ജു വാര്യര് പറഞ്ഞു.
കരള് രോഗത്തെ തുടര്ന്ന് ഏറെ നാളായി ചികിത്സയിലായിരുന്ന കെപിഎസി ലളിത ഇന്ന് രാത്രി 11 മണിയോടെ തൃപ്പൂണിത്തറയിലെ സ്വവസതിയിലാണ് അന്തരിച്ചത്. നിരവധി ദേശീയ, സംസ്ഥാന പുരസ്കാരങ്ങള് ലഭിച്ചിട്ടുണ്ട്. സ്വയം വരം, അനുഭവങ്ങള് പാളിച്ചകള്, ചക്രവാളം, കൊടിയേറ്റം, പൊന്മുട്ടയിടുന്ന താറാവ്, വെങ്കലം, ദശരഥം, ഗോഡ്ഫാദര്, വടക്കു നോക്കി യന്ത്രം, അനിയത്തിപ്രാവ്, അമരം തുടങ്ങിയവയാണ് പ്രധാന ചിത്രങ്ങള്. 550ലേറെ സിനിമകളില് അഭിനയിച്ചു. കേരള സംഗീത നാടക അക്കാദമി ചെയര്പേഴ്സണായിരുന്നു.