ചെന്നൈ: പ്രശസ്ത നടനും സംവിധായകനുമായ പ്രതാപ് പോത്തന് അന്തരിച്ചു. 69 വയസായിരുന്നു. ചെന്നൈയിലെ ഫ്ലാറ്റില് മരിച്ച നിലയില് കണ്ടെത്തുകയായിരുന്നു. ഹൃദയാഘാതമാണ് മരണ കാരണമെന്നാണ് സൂചന.
രാവിലെ വീട്ടുജോലിക്കാരന് ചായയുമായി പോയപ്പോഴാണ് മൃതദേഹം കണ്ടെത്തിയത്. മരണസമയത്ത് മകള് ഗയയും ഫ്ലാറ്റില് ഉണ്ടായിരുന്നു. നിരവധി ചിത്രങ്ങളുടെ ഭാഗമായി അദ്ദേഹം പ്രവര്ത്തിച്ചിട്ടുണ്ട്. മലയാളം,തമിഴ്,കന്നട,തെലുഗു, ഹിന്ദി തുടങ്ങിയ നൂറോളം ചിത്രങ്ങളില് അദ്ദേഹം അഭിനയിച്ചു.
also read: കുടുംബപ്രശ്നം, കോളജ് കെട്ടിടത്തിന് മുകളില്നിന്ന് ചാടിയ വിദ്യാര്ത്ഥിനി മരിച്ചു
ഋതുഭേദം, ഡെയ്സി, ഒരു യാത്രാമൊഴി എന്നീ മലയാളചിത്രങ്ങളും തെലുഗില് ചൈതന്യ എന്ന ചിത്രവും തമിഴില് ജീവ, വെറ്റ്രിവിഴ, ലക്കിമാന് തുടങ്ങിയ ചിത്രങ്ങളും അടക്കം 12 ചിത്രങ്ങളും പ്രതാപ് പോത്തന് സംവിധാനം ചെയ്തു.നെഞ്ചെത്തെ കിള്ളാതെ, പന്നീര് പുഷ്പങ്ങള്, വരുമയിന് നിറം ശിവപ്പു എന്നീ ചിത്രങ്ങളിലെ അഭിനയം തമിഴിലും പ്രതാപിനെ പ്രശസ്തനാക്കി.
കെ. ബാലചന്ദര് സംവിധാനം ചെയ്ത വരുമയിന് നിറം ശിവപ്പു എന്ന ചിത്രത്തിലെ പ്രതാപിന്റെ അഭിനയമാണ് ഇവയില് അവിസ്മരണീയമായത്. മോഹന്ലാല് സംവിധാനം ചെയ്യുന്ന ബറോസ് ആണ് അവസാനം അഭിനയിച്ച ചിത്രം. തകര. ചാമരം തുടങ്ങിയ സിനിമയിലൂടെ ശ്രദ്ധേയനായി. ഭരതന്റെ ആരവം എന്നചിത്രത്തിലൂടെയാണ് ചലച്ചിത്രരംഗത്തേക്കുള്ള പ്രവേശിക്കുന്നത്.