ജീവിതത്തിലെ പെരുത്തക്കേടുകളും ഇഷ്ടക്കുറവുകളും തുറന്നു പറഞ്ഞ് നടി ശ്രിന്ദ. ജീവിതത്തില് ഒരുപാട് പ്രതിസന്ധികളിലൂടെ കടന്നു പോയിട്ടുണ്ടെന്നും, അവയിലെ ഏറ്റവും വലിയ വെല്ലുവിളി എന്നു പറയുന്നത് വിവാഹ മോചനമായിരുന്നുവെന്ന് താരം പറയുന്നു. ആ പ്രതിസന്ധി ഘട്ടത്തില് താങ്ങും തണലുമായതും ധൈര്യവും തന്റെ ഏക മകന്റെ സാമിപ്യമായിരുന്നുവെന്ന് ശ്രിന്ദ പറഞ്ഞു.
‘വിവാഹമോചനമായിരുന്നു ജീവിതത്തിലെ ഏറ്റവും വലിയ വെല്ലുവിളി. പത്തൊന്പതാം വയസ്സിലായിരുന്നു വിവാഹം. നാല് വര്ഷത്തോളം കാത്തിരുന്നതിന് ശേഷമാണ് വിവാഹ മോചനത്തിലേക്കെത്തിയത്. അതുകൊണ്ടു തന്നെ ആ തിരിച്ചറിവോടു കൂടിയാണ് ഞാന് അതിനെ കൈകാര്യം ചെയ്തത്. ജീവിതത്തില് പലപ്പോഴും അതിവൈകാരികമായി പ്രതികരിച്ചിട്ടുണ്ട്. എന്തുസംഭവിക്കും എന്നറിയാന് കാത്തിരുന്നു.
അതു ബാധിക്കുന്നത് കുട്ടികളെയാണ്. ക്ഷമിക്കാനും മറക്കാനും പഠിച്ചു. എല്ലാവര്ക്കും അവരുടേതായ ഒരു സ്പേസ് ഉണ്ട്. അതിനെ ബഹുമാനിക്കണം. അദ്ദേഹം ഇപ്പോള് സന്തോഷവാനാണ്. ഞാനും എന്റെ മകനും അങ്ങനെ തന്നെ. ഞങ്ങള് മകനെ പിടിച്ചു വയ്ക്കാറില്ല. അതുകൊണ്ടു തന്നെ എല്ലാവരും സന്തോഷത്തോടെയിരിക്കുന്നു. പരസ്പര ബഹുമാനം സൂക്ഷിക്കുന്നു.’- ശ്രിന്ദ വ്യക്തമാക്കി.
അര്ഹാന് എന്റെ ഭാഗം തന്നെയാണ്. ജീവിതം കൈവിട്ടു പോകുന്ന അവസരങ്ങളില് ചേര്ത്തു പിടിച്ച ശക്തിയാണ് അര്ഹാന്. മകന് ജന്മം നല്കിയതായിരുന്നു ഏറ്റവും സന്തോഷകരമായ നിമിഷം. കുഞ്ഞിന്റെ മുഖം ആദ്യമായി കണ്ടപ്പോഴുണ്ടായ സന്തോഷം പറഞ്ഞറിയിക്കാന് സാധിക്കില്ല. എന്നിലെ സ്ത്രീ പൂര്ണതയിലേക്കെത്തിയത് അമ്മയായതിന് ശേഷമാണെന്ന് തനിക്ക് തോന്നിയിട്ടുണ്ടെന്നും ശ്രിന്ദ പറഞ്ഞു.