എതിരാളികള്ക്ക് മത്സരം കടുപ്പിക്കാന് മുന്നറിയിപ്പ് നല്കി യമഹ. നേക്കഡ് സ്ട്രീറ്റ് ഫൈറ്റര് ശ്രേണിയിലേക്ക് അവതരിപ്പിക്കുന്ന യമഹയുടെ എംടി-15 ഇനി ഏതാനും ദിവസങ്ങള്ക്കുള്ളില് നിരത്തിലെത്തും. ഈ ജനുവരി ഈമാസം 21-നാണ് ബൈക്ക് എത്തുക. അതിനിടെ പരീക്ഷണയോട്ടം നടത്തുന്ന ബൈക്കിന്റെ ചിത്രങ്ങള് പുറത്തുവന്നിട്ടുണ്ട്.
ഏറെ ആകര്ഷകമായ ഡിസൈനിലാണ് എംടി-15 എത്തുന്നത്. പുതുതായി ഡിസൈന് ചെയ്ത ഫുള് എല്ഇഡി ഹെഡ്ലാമ്പ്, ഡിജിറ്റല് ഇന്ട്രുമെന്റ് കണ്സോള്, മസ്കുലാര് ഫ്യുവല് ടാങ്ക് തുടങ്ങിയവ ബൈക്കിനെ മറ്റ് ബൈക്കുകളില് നിന്നും കൂടുതല് ആകര്ഷകമാക്കുന്നു. സിംഗിള് പീസ് സീറ്റ്, വീതി കുറഞ്ഞ പിന്ഭാഗം തുടങ്ങിയവയും ബൈക്കിന്റെ പ്രത്യേകതകളാണ്.
155 സിസി സിംഗിള് സിലണ്ടര് എന്ജിനാണ് ബൈക്കിന്റെ ഹൃദയം. 19.3 ബിഎച്ച്പി പവറും 15 എന്എം ടോര്ക്കും ഈ എഞ്ചിന് ഉത്പാദിപ്പിക്കും. ആറ് സ്പീഡ് ഗിയര്ബോക്സാണ് ട്രാന്സ്മിഷന്. മുന്നില് ടെലിസ്കോപികും പിന്നില് മോണോഷോക്ക് സസ്പെഷനുമാണ് സസ്പന്ഷന്. മുന്നില് 267 എംഎം, പിന്നില് 220ം എംഎം ഡിസ്ക് ബ്രേക്കിനൊപ്പം എബിഎസ് സുരക്ഷയും ഈ ബൈക്കില് നല്കുന്നുണ്ട്.