ബെംഗളൂരു: കര്ണാടകയില് പ്രായപൂര്ത്തിയാവാത്ത പെണ്കുട്ടികളെ പീഡിപ്പിച്ച സന്യാസിക്ക് എതിരെ ലുക്ക് ഔട്ട് നോട്ടീസ്. ലിംഗായത്ത് സന്യാസി ശിവമൂര്ത്തി മുരുക ശരണാരുവിനെതിരെയാണ് ലുക്ക്ഔട്ട് നോട്ടീസ് പുറപ്പെടുവിച്ചത്. ലിംഗായത്ത് മഠം നടത്തുന്ന സ്കൂളിലെ വിദ്യാര്ത്ഥിനികളാണ് പീഡനത്തിനിരയായത്.
15,16 വയസ്സുള്ള വിദ്യാര്ത്ഥിനികളെ മൂന്നര വര്ഷത്തോളം ഹോസ്റ്റലില് വച്ച് പീഡിപ്പിച്ചെന്നാണ് കേസ്. ഹോസ്റ്റല് വിട്ടിറങ്ങിയ പെണ്കുട്ടികള് ബെംഗളൂരു ആസ്ഥാനമായ എന്ജിഒയെ സമീപിച്ചിരുന്നു. ഇതോടെയാണ് പീഡന വിവരം പുറത്തറിയുന്നത്.
ഇതിന് പിന്നാലെ സന്യാസിക്കെതിരെ കേസെടുത്തു. എന്നാല് ഇതുവരെയും സന്യാസിയെ കസ്റ്റിഡിയിലെടുത്തിട്ടില്ല. ഒളിവില്ലെന്നാണ് പൊലീസ് വിശദീകരണം. അറസ്റ്റ് വൈകുന്നതില് പ്രതിഷേധം കനക്കുന്നതിനിടെയാണ് ലുക്കൗട്ട് നോട്ടീസ് പൊലീസ് ഇറക്കിയത്.