കോഴിക്കോട്: ശബരിമല കയറി വാര്ത്തകളില് നിറഞ്ഞ സാമൂഹിക പ്രവര്ത്തക കനകദുര്ഗയും മനുഷ്യാവകാശ പ്രവര്ത്തകന് വിളയോടി ശിവന്കുട്ടിയും വിവാഹിതരായി. സ്പെഷല് മാര്യേജ് ആക്ട് പ്രകാരം ഇരുവരും ഇന്ന് വിവാഹം രജിസ്റ്റര് ചെയ്യുകയുമായിരുന്നു.
ഭാര്യ ഭര്തൃ ബന്ധം എന്നതിലുപരി പരസ്പരം സഖാക്കളായി ഒരുമിച്ച് ജീവിക്കാന് ഇരുവരും തീരുമാനിക്കുകയായിരുന്നു. രണ്ട് പേരും ഒറ്റയ്ക്ക് ജീവിക്കുന്നവരാണ്.
ഐക്യത്തോടെ ജീവിക്കാമെന്ന് തീരുമാനിച്ചു. കഴിഞ്ഞ മെയ്മാസം മുതലുള്ള പരിചയമാണ്. വിവാഹിതരായെങ്കിലും ഒരാള് ഒരാള്ക്ക് മുകളിലെന്ന ചിന്തയില്ല. അവരുടെ പ്രവര്ത്തനങ്ങള് അവരും തന്റേത് താനും തുടരുമെന്നും വിളയോടി ശിവന്കുട്ടി വ്യക്തമാക്കുന്നു.
ഈയടുത്ത് പുറത്തിറങ്ങിയ ചിത്രം ‘പട’യിലെ യഥാര്ഥ സമരനായകനാണ് വിളയോടി ശിവന്കുട്ടി. യുവതികള്ക്ക് പ്രവേശിക്കാമെന്ന സുപ്രീംകോടതി വിധിക്ക് പിന്നാലെയാണ് കനകദുര്ഗ ശബരിമല കയറിയത്.