തിരുവനന്തപുരം: കേരളത്തില് കോവിഡ് രോഗികളുടെ എണ്ണം കുറയുകയാണ്. നിലവില് സംസ്ഥാനത്തെ കോവിഡ് സാഹചര്യം വിലയിരുത്താന് ഇന്ന് അവലോകന യോഗം ചേരും. നിയന്ത്രണങ്ങളില് ഇളവ് നല്കിയേക്കും എന്നാണ് സൂചന. ഞായറാഴ്ച ലോക്ഡൗണ് പിന്വലിച്ചേക്കും.
ഉച്ചതിരിഞ്ഞ് മൂന്ന് മണിക്കാണ് മുഖ്യമന്ത്രിയുടെ അധ്യക്ഷതയില് അവലോകന യോഗം. കോവിഡ് വ്യാപനം കൂടാതിരിക്കാന് നിയന്ത്രണങ്ങള് എങ്ങനെ മുന്നോട്ടു കൊണ്ടുപോകണം എന്നതാകും കോവിഡ് അവലോകന യോഗത്തില് പ്രധാനമായും ചര്ച്ചയാകുക.
also read: ‘ഇസഡ് കാറ്റഗറി സുരക്ഷ സ്വീകരിക്കൂ, നിങ്ങൾക്ക് ഭീഷണിയുണ്ട്’; ഒവൈസിയോട് അമിത് ഷാ
വ്യാപനം കുറയുന്ന സാഹചര്യത്തില് കൂടുതല് ഇളവുകള്ക്ക് സാധ്യതയുണ്ട്. അതേസമയം, കാറ്റഗറി തിരിച്ചുള്ള നിയന്ത്രണങ്ങള് തുടര്ന്നേക്കും. കാറ്റഗറിയിലെ ജില്ലകള് പുനക്രമീകരിക്കുന്നതിലും മാറ്റമുണ്ടായേക്കും. ഒന്ന് മുതല് ഒന്പത് വരെയുള്ള ക്ലാസുകളില് അധ്യയന സമയം വൈകുന്നേരം വരെയാക്കുമോ എന്ന കാര്യവും ഇന്നറിയാം.
ഈ വിഷയം ചര്ച്ച ചെയ്യുന്നതിനായി വിദ്യാഭ്യാസ വകുപ്പിന്റെ പ്രത്യേക ഉന്നതതല യോഗം തിങ്കളാഴ്ച ചേര്ന്നിരുന്നു. 10,11,12 ക്ലാസുകളുടെ പ്രവര്ത്തനം സാധാരണ നിലയിലായി. കോളജുകളിലും വൈകീട്ടു വരെ ക്ലാസുകള് നടക്കും.