സംയുക്ത സേനാ മേധാവി ബിപിന് റാവത്തും സംഘവും സഞ്ചരിച്ച ഹെലികോപ്റ്റര് തകര്ന്നു. അപകടത്തില് മരണം ഏഴായി. ബിപിന് റാവത്തിനുള്പ്പെടെ മൂന്നുപേര്ക്ക് ഗുരുതരമായി പരിക്കേറ്റു. ഊട്ടി കുന്നൂരിനു സമീപത്തുവെച്ചാണ് ഹെലികോപ്റ്റര് തകര്ന്നത്.
ഹെലികോപ്റ്ററില് 14 യാത്രക്കാരായിരുന്നു ഉണ്ടായിരുന്നത്. ഇതില് ഉന്നത സൈനികോദ്യോഗസ്ഥരും റാവത്തിന്റെ ഭാര്യയും സ്റ്റാഫും ഉള്പ്പെടുന്നു. കോയമ്പത്തൂരിലെ സുലൂര് വ്യോമകേന്ദ്രത്തില് നിന്ന് ഊട്ടിയിലേക്കുള്ള യാത്രക്കിടെയായിരുന്നു അപകടം.
വ്യോമസേനയുടെ എംഐ 17V5 ഹെലികോപ്റ്റര് ആണ് അപകടത്തില്പ്പെട്ടത്. മോശം കാലാവസ്ഥയാണ് അപകടകാരണമെന്നു കരുതുന്നു. അപകടസമയത്ത് കനത്ത മൂടല്മഞ്ഞുണ്ടായിരുന്നുവെന്ന് സമീപവാസി എസ്.ഗോപാലകൃഷ്ണന് പറഞ്ഞു. കട്ടേരി ഫാമിനു സമീപമാണ് അപകടമെന്നും എസ്. ഗോപാലകൃഷ്ണന് പറഞ്ഞു.
ഹെലികോപ്റ്റര് വെല്ലിങ്ടണില് ഇറങ്ങാതെ തിരിച്ചു പോകുമ്പോഴാണ് അപകടമെന്ന് കരുതുന്നുവെന്നും ഇയാള് പറഞ്ഞു. കൂടുതല് വിവരങ്ങള് സേന പുറത്തുവിട്ടിട്ടില്ല.