കോഴിക്കോട്: കഴിഞ്ഞദിവസം ബിജെപി സംസ്ഥാന അധ്യക്ഷന് കെ.സുരേന്ദ്രന് സമൂഹമാധ്യമത്തില് പോസ്റ്റ് ചെയ്ത മകളുടെ ഫോട്ടോയ്ക്ക് താഴെ അശ്ലീല കമന്റുകളാണ് പ്രവാസിയായ യുവാവ് കുറിച്ചത്. കുട്ടികളാണെന്നു പോലും നോക്കാതെ പച്ചയ്ക്ക് വൃത്തികേട് പറഞ്ഞ ഇയാള്ക്കെതിരെ പ്രതിഷേധം ശക്തമായിക്കൊണ്ടിരിക്കുകയാണ്.
ബാലികാ ദിനത്തില് കെ. സുരേന്ദ്രന് മകള്ക്കൊപ്പം പങ്കുവെച്ച ചിത്രത്തിന് താഴെയാണ് അശ്ളീല കമന്റ് വന്നത്. അജ്നാസ് അജ്നാസ് എന്ന ഐഡിയില് നിന്നാണ് അശ്ളീല കമന്റ് വന്നിരിക്കുന്നത്. ഇതോടെ ഇയാള്ക്കെതിരെ പ്രതിഷേധവുമായി ബിജെപി നേതാവ് സന്ദീപ് വാര്യര് രംഗത്തെത്തിരിക്കുകയാണ്.
ബിജെപി പ്രവര്ത്തകരുടെയും നേതാക്കളുടെയും പെണ്കുട്ടികളെ പോലും അങ്ങേയറ്റം മോശമായി ആക്ഷേപിക്കുന്ന സൈബര് ഗുണ്ടായിസത്തിന് തടയിട്ടേ മതിയാകൂ. നേതാക്കളെ പറഞ്ഞാല് ഞങ്ങള് സഹിക്കും. വീട്ടിലിരിക്കുന്ന കുഞ്ഞു മക്കളെ അധിക്ഷേപിച്ചാല് വെറുതേ വിടാന് പോകുന്നില്ല എന്നും സന്ദീപ് വാര്യര് പറഞ്ഞു.
ഫേസ്ബുക്കില് പങ്കുവെച്ച കുറിപ്പിലൂടെയായിരുന്നു സന്ദീപ് വാര്യരുടെ പ്രതികരണം. ബിജെപി സംസ്ഥാന അദ്ധ്യക്ഷന്റെ മകളെ പോലും അസഭ്യം പറയുന്ന തെമ്മാടികളെ എങ്ങനെ കൈകാര്യം ചെയ്യണമെന്ന് ബിജെപിക്കറിയാം. ഫേക്ക് അക്കൗണ്ടില് ഒളിച്ചിരുന്ന് പുലഭ്യം പറയുന്നവര് എല്ലാ കാലത്തും സേഫ് സോണിലായിരിക്കും എന്ന് തെറ്റിദ്ധരിക്കരുതെന്നും സന്ദീപ് വാര്യര് പറഞ്ഞു.
അതേസമയം ഇയാള്ക്കെതിരെ ഖത്തര് ഇന്ത്യന് എംബസിക്ക് പരാതി നല്കുകയും കൂടാതെ ഖത്തര് മിനിസ്ട്രിയുടെ ഫേസ്ബുക്ക് പേജില് പ്രതിഷേധം അറിയിക്കുകയും ചെയ്യുകയാണ് ബിജെപി അനുഭാവികള്.