ന്യൂഡല്ഹി: വാര്ത്തകള് ജനങ്ങള് വിശ്വസിക്കരുതെന്നും മാധ്യമങ്ങള് വേട്ടയാടുകയാണെന്നും ജലന്ധര് ബിഷപ് ഫ്രാങ്കോ മുളയ്ക്കല്. ജലന്ധര് കത്തോലിക്ക രൂപതയുടെ മുഖപുസ്തകമായ സാഡാ സമാനയിലൂടെയാണ് വിശ്വാസികള്ക്കുള്ള ബിഷപ്പിന്റെ ഈ സന്ദേശം. ബിഷപ്പിന്റെ സന്ദേശം മുഖപുസ്തകത്തിന്റെ ആദ്യപേജില് തന്നെയാണ് ഉള്പ്പെടുത്തിയിരിക്കുന്നത്.
മുഖപുസ്തകം രൂപതയിലെ വിവിധ കുടുംബയൂണിറ്റുകള് വഴിയാണ് വിശ്വാസികള്ക്ക് വിതരണംചെയ്തിരിക്കുന്നത്. ബിഷപ്പിന്റെ സന്ദേശത്തില് കന്യാസ്ത്രീയുടെ പീഡനപരാതിയെ കുറിച്ച് നേരിട്ട് പരാമര്ശമില്ല. എങ്കിലും പ്രതിസന്ധിഘട്ടങ്ങളെ തരണം ചെയ്യാന് വിശ്വാസികളുടെ സഹകരണം വേണമെന്നും, ബിഷപ്പെന്ന നിലയില് ഇനിയും ഉത്തരവാദിത്തത്തോടെ ജോലി ചെയ്യുമെന്നും സന്ദേശത്തില് പറയുന്നു.
ബിഷപ് ഫ്രാങ്കോ മുളയ്ക്കല് രക്ഷാധികാരിയായ മുഖപുസ്തകത്തിന്റെ ചീഫ് എഡിറ്റര് വൈദികനായ ആന്റണി ജോസഫാണ്. ശാന്തിപുരയിലെ മിഷന് പ്രസ്സിലാണ് പുസ്തകം അച്ചടിച്ചത്. വിശ്വാസികള്ക്കിടയില് പിന്തുണ ആര്ജിക്കാനുള്ള ശ്രമത്തിലാണ് ബിഷപ്പ്.