ന്യൂഡല്ഹി: ഡല്ഹി കലാപത്തില് മരിച്ചവരുടെ എണ്ണം 27 ആയി. ഡല്ഹി പോലീസ് പിആര്ഒ നടത്തിയ വാര്ത്താ സമ്മേളനത്തിലാണ് ഈ കണക്ക് പുറത്തുവിട്ടത്. കലാപവുമായി ബന്ധപ്പെട്ട് ആകെ 18 കേസുകള് രജിസ്റ്റര് ചെയ്തിട്ടുണ്ട്. 106 പേര് അറസ്റ്റിലായിട്ടുണ്ടെന്നും പോലീസ് അറിയിച്ചു.
അതിനിടെ,കലാപങ്ങളുടെ പശ്ചാത്തലത്തില് വിദ്വേഷ പ്രസംഗം നടത്തിയ ബിജെപി നേതാക്കള്ക്കെതിരെ കേസ് എടുക്കണമെന്ന് ഡല്ഹി ഹൈക്കോടതി നിര്ദ്ദേശിച്ചു. ബിജെപി നേതാക്കളായ കപില് മിശ്ര, അനുരാഗ് ഠാക്കൂര്, പര്വേഷ് വെര്മ, അഭയ് വര്മ എന്നിവര്ക്കെതിരെയാണ് കേസെടുക്കാന് ഉത്തരവിട്ടത്.
ഡല്ഹി കലാപത്തിനിടെ കൊല്ലപ്പെട്ട പോലീസ് ഹെഡ് കോണ്സ്റ്റബിള് രത്തന് ലാലിന്റെ കുടുംബത്തിന് ഡല്ഹി സര്ക്കാര് ഒരു കോടി രൂപ ധനസഹായം പ്രഖ്യാപിച്ചു. കുടുംബത്തിലെ ഒരു അംഗത്തിന് സര്ക്കാര് ജോലിയും വാഗ്ദാനം ചെയ്തു.