മസ്കറ്റ്: അമേരിക്കയിലെ ഡാലസില് വെടിവെയ്പില് മലയാളിക്ക് ദാരുണാന്ത്യം. ഡാലസ് കൗണ്ടി മസ്കറ്റ് സിറ്റിയില് ഗാലോവെയില് ബ്യൂട്ടി സപ്ലൈ സ്റ്റോര് നടത്തിയിരുന്ന മലയാളിയായ സാജന് മാത്യൂസ് ആണ് കൊല്ലപ്പെട്ടത്. 56 വയസായിരുന്നു. ഒരു മണിയോടെ കടയിലേക്ക് അതിക്രമിച്ചു കയറിയ അക്രമി മോഷണ ശ്രമത്തിനിടയില് കൗണ്ടറില് ഉണ്ടായിരുന്ന സജിക്ക് നേരെ വെടിയുതിര്ക്കുകയായിരുന്നു.
സംഭവം അറിഞ്ഞു സ്ഥലത്തെത്തിയ പോലീസ് സജിയെ ഉടനെ ആശുപത്രിയില് എത്തിച്ചുവെങ്കിലും ജീവന് രക്ഷിക്കാനായില്ല. കോഴഞ്ചേരി ചെരുവില് കുടുംബാംഗമായ സാജന് മാത്യൂസ് 2005 ല് കുവൈറ്റില് നിന്നാണ് അമേരിക്കയില് എത്തിയത്. ഡാലസ് സെഹിയോന് മാര്ത്തോമാ ചര്ച്ച് അംഗമാണ്. ഡാലസ് പ്രസ്ബിറ്റിരിയന് ഹോസ്പിറ്റലിലെ നഴ്സ് മിനി സജിയാണ് ഭാര്യ. രണ്ടു മക്കളുണ്ട്. മസ്കറ്റില് ഈയിടെയാണ് മലയാളികള് പാര്ട്ണര്മാരായി സാജന് ബ്യൂട്ടി സപ്ലൈ സ്റ്റോര് ആരംഭിച്ചത്.