ദുബായ്: യുഎഇയില് സ്വദേശിവത്കരണം ശക്തമാക്കുന്നു. ഈ വര്ഷം സ്വകാര്യ മേഖലയില് മുപ്പതിനായിരം സ്വദേശികള്ക്ക് ജോലി നല്കാനാണ് യുഎഇ സര്ക്കാരിന്റെ പദ്ധതി. ഇതോടെ നിരവധി പ്രവാസികള്ക്ക് തൊഴില് നഷ്ടമായേക്കും.
യുഎഇയില് ഈ വര്ഷം മുപ്പതിനായിരം സ്വദേശി തൊഴിലവസരങ്ങള് സൃഷ്ടിക്കുമെന്ന് മാനവ വിഭവ ശേഷി സ്വദേശിവത്കരണ മന്ത്രാലയമാണ് പ്രഖ്യാപിച്ചത്. വ്യോമയാനം, ഗതാഗതം, റിയല് എസ്റ്റേറ്റ്, ബാങ്കിങ്ങ്, ഇന്ഷുറന്സ്, വിനോദസഞ്ചാരം തുടങ്ങിയ മേഖലകളിലായിരിക്കും സ്വദേശികള്ക്ക് ജോലി നല്കുക.
2031 ആകുമ്പോഴേക്കും യുഎഇയുടെ തൊഴില് മേഖലയില് ഭൂരിഭാഗവും സ്വദേശികളായിരിക്കുമെന്നും ഇത് വലിയ മാറ്റങ്ങള്ക്ക് വഴിയൊരുക്കുമെന്നും മാനവ വിഭവ ശേഷി സ്വദേശിവത്കരണ മന്ത്രി നാസര് ബിന് താനി അല് ഹംലി പറഞ്ഞു. നേരിട്ടുള്ള നിയമനത്തിലൂടെ സ്വദേശിവത്കരണ പദ്ധതികള് ശക്തിപ്പെടുത്തുമെന്നും അദ്ദേഹം കൂട്ടിച്ചേര്ത്തു.