കാസർകോട്: ദിവസങ്ങൾക്ക് മുൻപ് വിവാഹിതയായ സഹോദരിയെ കാണാൻ പോയ 18 കാരൻ ബസിനുള്ളിൽ കുഴഞ്ഞുവീണ് മരിച്ചു. കാസർകോട് ഉദുമ റെയിൽവെ ഗേറ്റിന് സമീപം താമസിക്കുന്നയുപി മജീദിന്റെ മകൻ ഹയജൻ ഫിശാൻ ആണ് മരിച്ചത്. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം.
കഴിഞ്ഞ ഞായറാഴ്ചയായിരുന്നു ഫിശാൻറെ സഹോദരിയുടെ വിവാഹം. സഹോദരിയുടെ ഭർത്താവിന്റെ പാലക്കാട്ടെ വീട്ടിൽ ഞായറാഴ്ച രാവിലെ കുടുംബ സമേതം വിരുന്നിന് പോകുന്നതിനിടെ കണ്ണൂരിലെത്തിയപ്പോഴാണ് ബസിനുള്ളിൽ വെച്ച് ഫിശാൻ കുഴഞ്ഞു വീണത്. ഉടനടി കണ്ണൂരിലെ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.