തിരുവനന്തപുരം: രാഷ്ട്രപതിയായി തെരഞ്ഞെടുക്കപ്പെട്ട ദ്രൗപതി മുര്മുവിനെ അഭിനന്ദിച്ച് മുഖ്യമന്ത്രി പിണറായി വിജയന്. ഭരണഘടന ഉയര്ത്തിപ്പിടിക്കുന്ന ജനാധിപത്യ മൂല്യങ്ങള് സംരക്ഷിച്ച് രാജ്യത്തെ മുന്നോട്ടു നയിക്കാന് പുതിയ രാഷ്ട്രപതിക്ക് കഴിയട്ടെ എന്നാശംസിക്കുന്നുവെന്ന് മുഖ്യമന്ത്രി പറഞ്ഞു.
ഫേസ്ബുക്കില് പങ്കുവെച്ച കുറിപ്പിലൂടെയാണ് മുഖ്യമന്ത്രി ദ്രൗപതി മുര്മുവിന് ആശംസകള് നേര്ന്നത്. ജനതയുടെ പരസ്പര സൗഹൃദം കൂടുതല് ദൃഢപ്പെടുത്തിയും പ്രതിബന്ധങ്ങള് തരണം ചെയ്തും രാജ്യത്തെ മുന്നോട്ടു നയിക്കാന് കഴിയട്ടെ എന്നും പിണറായി വിജയന് ആശംസാ സന്ദേശത്തില് കുറിച്ചു.
കുറിപ്പിന്റെ പൂര്ണരൂപം:
ഇന്ത്യയുടെ പതിനഞ്ചാമത്തെ രാഷ്ട്രപതിയായി തെരഞ്ഞെടുക്കപ്പെട്ട ശ്രീമതി. ദ്രൗപതി മുര്മുവിന് ഹൃദയപൂര്വ്വം ആശംസകള് നേരുന്നു. ഭരണഘടന ഉയര്ത്തിപ്പിടിക്കുന്ന ജനാധിപത്യ മൂല്യങ്ങള് സംരക്ഷിച്ചും ജനതയുടെ പരസ്പര സൗഹൃദം കൂടുതല് ദൃഢപ്പെടുത്തിയും പ്രതിബന്ധങ്ങള് തരണം ചെയ്തും രാജ്യത്തെ മുന്നോട്ടു നയിക്കാന് പുതിയ രാഷ്ട്രപതിക്ക് കഴിയട്ടെ എന്നാശംസിക്കുന്നു.