തിരുവനന്തപുരം: കേരളത്തില് അടുത്ത മണിക്കൂറുകളില് ഇടിയോടുകൂടിയ മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പിന്റെ മുന്നറിയിപ്പ്. 11 ജില്ലകളിലാണ് മുന്നറിയിപ്പ്. തിരുവന്തപുരം, കൊല്ലം, പത്തനംതിട്ട, കോട്ടയം, ഇടുക്കി, എറണാകുളം, പാലക്കാട്, മലപ്പുറം, കോഴിക്കോട്, വയനാട്, കണ്ണൂര് എന്നീ ജില്ലകളിലാണ് ഇടിയോടുകൂടിയ മഴയ്ക്ക് സാധ്യത.
മണിക്കൂറില് 40 കിലോ മീറ്റര് വേഗതയില് കാറ്റ് വീശാനും സാധ്യതയുണ്ടെന്നും കാലാവസ്ഥ വകുപ്പിന്റെ മുന്നറിയിപ്പില് പറയുന്നു. കേരളത്തില് നാളെയോടെ കാലവര്ഷം എത്തിച്ചേരുമെന്നാണ് കാലാവസ്ഥ വകുപ്പിന്റെ പ്രവചനം.
also read: ‘മെസേജുകള്ക്കൊന്നും മറുപടിയില്ല’; സോളോ ട്രിപ്പ് പോയ സഹോദരനെ കാണാനില്ലെന്ന് യുവാവ്, പരാതി
കാലവര്ഷത്തിന് മുന്നോടിയായുള്ള പടിഞ്ഞാറന് കാറ്റ് ശക്തമായതിനാല് സംസ്ഥാനത്ത് മഴ തുടരും. ജനങ്ങള് ജാഗ്രത പാലിക്കണമെന്നും മുന്നറിയിപ്പില് പറയുന്നു.