തിരുവനന്തപുരം: കേരളത്തില് വരുംദിവസങ്ങളില് മഴയ്ക്ക് സാധ്യത. ഈ വര്ഷത്തെ ആദ്യ ന്യൂനമര്ദ്ദം തെക്ക് കിഴക്കന് ബംഗാള് ഉള്ക്കടലില് രൂപപ്പെട്ടതായി കാലവസ്ഥ വകുപ്പ് അറിയിച്ചു.
പടിഞ്ഞാറ് -വടക്ക് പടിഞ്ഞാറ് ദിശയില് സഞ്ചരിക്കുന്ന ന്യൂന മര്ദ്ദം കൂടുതല് ശക്തി പ്രാപിച്ച് അടുത്ത മൂന്നു ദിവസത്തിനുള്ളില് ശ്രീലങ്ക തീരത്തേക്ക് സഞ്ചരിക്കാന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
also read: വളര്ത്തുനായയെ തനിച്ചാക്കിയില്ല, യുക്രൈനില് നിന്നും നാട്ടിലേക്ക് ആര്യ വരും സെറയ്ക്കൊപ്പം
മാര്ച്ച് അഞ്ച് മുതല് ഏഴു വരെ ന്യൂനമര്ദ്ദ ഫലമായി സംസ്ഥാനത്ത് ഒറ്റപ്പെട്ട മഴയ്ക്ക് സാധ്യതയെന്നും കാലാവസ്ഥ വകുപ്പ് മുന്നറിയിപ്പ് നല്കി. സംസ്ഥാനത്ത് ബുധന്, വ്യാഴം ദിവസങ്ങളില് പരക്കെ മഴക്ക് സാധ്യതയുണ്ടെന്ന് കാലവസ്ഥ വകുപ്പ് നേരത്തെ മുന്നറിയിപ്പ് നല്കിയിരുന്നു.
ഇതേ തുടര്ന്ന് വിവിധ ജില്ലകളില് യെല്ലോ അലേര്ട്ട് പ്രഖ്യാപിച്ചു. തിരുവനന്തപുരം, ഇടുക്കി, കൊല്ലം, പത്തനംതിട്ട ജില്ലകളില് മാര്ച്ച് മൂന്നിന് യെല്ലോ അലര്ട്ട് പ്രഖ്യാപിച്ചിച്ചുണ്ട്. അതേസമയം, കേരള-കര്ണാടക – ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ല.