കൊല്ലം: കിണറ്റിനുള്ളില് കുടുങ്ങിയ മൂന്നുപേര് മരിച്ചു. ഒരാളുടെ നിലഗുരുതരം. കൊല്ലത്താണ് ദാരുണസംഭവം. നിര്മ്മാണ പ്രവര്ത്തനത്തിലിരുന്ന കിണറിലെ ചെളി നീക്കി വൃത്തിയാക്കാന് ഇറങ്ങിയവരാണ് അപകടത്തില്പ്പെട്ടത്. പെരുമ്പുഴ കോവിലമുക്കിലാണ് അപകടം.
സോമരാജന്, മനോജ്, രാജന്, ശിവപ്രസാദ് എന്നിവരാണ് കുടുങ്ങിയത്. നൂറടി ആഴമുള്ള കിണറിലാണ് ഇവര് കുടുങ്ങിയത്. ആദ്യമിറങ്ങിയ രണ്ടുപേര്ക്ക് ശ്വാസതടസ്സമുണ്ടായി. ഇതേത്തുടര്ന്ന് ഇവരെ കയറ്റാന് വേണ്ടി രണ്ടുപേര് കൂടി കിണറിലേക്ക് ഇറങ്ങുകയായിരുന്നു.
ഫയര് ഫോഴ്സും നാട്ടുകാരും ചേര്ന്നാണ് രക്ഷാപ്രവര്ത്തനം നടത്തിയത്. ഒന്നര മണിക്കൂറോളം നീണ്ടുനിന്ന രക്ഷാപ്രവര്ത്തനത്തിന് ശേഷമാണ് ഇവരെ പുറത്തെടുക്കാന് സാധിച്ചത്. കൊല്ലം ജില്ലാ ആശുപത്രിയില് എത്തിച്ചെങ്കിലും മൂന്നുപേര് മരിക്കുകയായിരുന്നു.
ഇവരെ രക്ഷിക്കാന് ശ്രമിക്കുന്നതിനിടെ ഫയര് ഫോഴ്സ് ഉദ്യോഗസ്ഥന് കുഴഞ്ഞുവീണു. ഇദ്ദേഹത്തെയും ആശുപത്രിയിലേക്ക് മാറ്റിയിട്ടുണ്ട്.