കൊച്ചി: സ്കൂട്ടര് യാത്രക്കാരിയെ മര്ദ്ദിച്ച കേസില് 48കാരിയെ പോലീസ് അറസ്റ്റ് ചെയ്തു. കോടുശേരി പൊന്നാടത്ത് വീട്ടില് സിഫ്സിയെയാണ് അങ്കമാലി പൊലീസ് അറസ്റ്റു ചെയ്തത്. വാഹനത്തിന് സൈഡ് നല്കിയില്ലെന്ന് ആരോപിച്ചായിരുന്നു സ്കൂട്ടര് യാത്രക്കാരിയെ 48കാരി മര്ദ്ദിച്ചത്.
ശനിയാഴ്ച രാവിലെ 11ന് അങ്കമാലി ടിബി ജംക്ഷനിലായിരുന്നു സംഭവം. സ്കൂട്ടര് യാത്രക്കാരിയെ നടുറോഡില് ഇടിച്ചുവീഴ്ത്തിയും കഴുത്തില് പിടിച്ച് ശ്വാസം മുട്ടിച്ചുമായിരുന്നു ഇരുപതുകാരിയെ സിഫ്സി ഉപദ്രവിച്ചത്. അസഭ്യം പറഞ്ഞ് യാത്രക്കാരിയുടെ വസ്ത്രങ്ങളും വലിച്ചുകീറി.
സംഭവം ശ്രദ്ധയില്പ്പെട്ടതോടെ നാട്ടുകാരും ഇടപെട്ടു. സിഫ്സിയെ നാട്ടുകാരുടെ സഹായത്തോടെയാണ് പിടികൂടിയത്. പൊലീസ് സ്റ്റേഷനിലെത്തിയ ഇവര് സ്വന്തം വസ്ത്രങ്ങള് വലിച്ചുകീറി ബഹളംവച്ചു. പിന്നീട് വനിത പൊലീസ് അടക്കം ഇടപെട്ടാണ് ഇവരെ ശാന്തയാക്കിയത്.
ആക്രമണത്തില് പരുക്കേറ്റ യാത്രക്കാരിയെ ആശുപത്രിയില് പ്രവേശിപ്പിച്ചു.