കോഴിക്കോട്: മുഖ്യമന്ത്രി പിണറായി വിജയന്റെ ചിത്രം മോർഫ് ചെയ്ത് അശ്ലീല ചിത്രത്തോടൊപ്പം പ്രചരിപ്പിച്ച മുസ്ലീംലീഗ് പ്രവർത്തകനെതിരെ കേസെടുത്തു. കട്ടിപ്പാറ സ്വദേശി ഹമീദിനെതിരെയാണ് കേസെടുത്തത്. നമ്മുടെ കട്ടിപ്പാറ എന്ന വാട്സാപ് ഗ്രൂപ്പ് വഴിയാണ് ചിത്രങ്ങൾ പ്രചരിപ്പിച്ചത്.
മുഖ്യമന്ത്രി പിണറായി വിജയന്റേയും, സിപിഎം സംസ്ഥാനസെക്രട്ടറി കൊടിയേരി ബാലകൃഷ്ണന്റെയും ചിത്രം മോർഫ് ചെയ്ത് അശ്ലീല ഫോട്ടോകൾ ചേർത്ത് പ്രചരിപ്പിക്കുകയായിരുന്നെന്നാണ് പരാതി. സൗദി അറേബ്യയിലെ ഫോൺ നമ്പർ ഉപയോഗിച്ചാണ് സമൂഹമാധ്യമങ്ങളിൽ ഇയാൾ ഫോട്ടോകൾ പോസ്റ്റ് ചെയ്തത്.