തിരുവനന്തപുരം: ഇനി കേരള പോലീസിന് ഔദ്യോഗിക യൂണിഫോമിന് പുറമെ പുതിയ ഡ്രസ് കോഡും. പുതിയ ഡ്രസ് കോഡ് മൂന്ന് കളര് കോമ്പിനേഷനിലാണ് തയ്യാറാക്കിയിരിക്കുന്നത്. നവംബര് 1 മുതല് പുതിയ ഡ്രസ്സ് കോഡ് പ്രാബല്യത്തില് വരുന്നതാണ്.
കായിക പ്രവര്ത്തനങ്ങള്ക്ക് ഉപയോഗിക്കാനാണ് ഡ്രസ് കോഡ് സംവിധാനം കൊണ്ടുവരുന്നതെങ്കിലും ദുരന്തപ്രദേശങ്ങള്, മഴക്കെടുതി തുടങ്ങിയ മറ്റു പ്രവര്ത്തനങ്ങള്ക്കും ഡ്രസ്സ് കോഡ് ഉപയോഗിക്കാവുന്നതാണ്. പോലീസ് മേധാവി ലോക്നാഥ് ബെഹ്റയാണ് ഡ്രസ്സ് കോഡ് സംബന്ധിച്ച ഉത്തരവ് ഇറക്കിയത്.
ബ്ലാക്ക് ആന്ഡ് വൈറ്റ്, ഒലിവ് ഗ്രീന് ആന്ഡ് നേവി ബ്ലു, നേവി ബ്ലു ആന്ഡ് റെഡ് കോംബിനേഷനുകളില് റൗണ്ട് നെക്ക് ടീ ഷര്ട്ടും ട്രാക്ക് പാന്റുമാണ് പുതിയ ഡ്രസ്സ് കോഡ് പോലീസ് സേനയെ പ്രത്യേകം തിരിച്ചറിയാന് ഈ ഡ്രസ്സ്കോഡുകളിലൂടെ പൊതുജനങ്ങള്ക്ക് സാധിക്കും. ഉത്തരവിനോടൊപ്പം ഡ്രസ് കോഡ് മാതൃകയുടെ ചിത്രങ്ങളും നല്കി കഴിഞ്ഞു. സീബ്രാ ലൈന് മാതൃകയില് വരകളും ഡ്രസ്സ് കോഡില് ഉണ്ടാകുന്നതാണ്.