പത്തനംതിട്ട: ശബരിമല സ്ത്രീ പ്രവേശന വിഷയത്തില് മുഖ്യമന്ത്രിയുമായുളള സമവായ ചര്ച്ചയില് നിന്ന് തന്ത്രി കുടുംബം പിന്മാറി. റിവ്യൂ ഹര്ജിയില് തീരുമാനം ആയതിന് ശേഷം ചര്ച്ച മതി എന്നാണ് തന്ത്രി കുടുംബത്തിന്റെ തീരുമാനമെന്ന് ശബരിമല തന്ത്രി കണ്ഠര് മോഹനര് പറഞ്ഞു. തിങ്കളാഴ്ചയായിരുന്നു തന്ത്രി കുടുംബവുമായി മുഖ്യമന്ത്രി ചര്ച്ച നടത്താനിരുന്നത്. പുന:പരിശോധനാ ഹര്ജി നാളെ കൊടുക്കുമെന്നാണ് സൂചന.
ആദ്യം ദേവസ്വം മന്ത്രി തന്ത്രി കുടുംബവുമായി ചര്ച്ച നടത്താനായിരുന്നു ആലോചനയെങ്കിലും പിന്നീട് മുഖ്യമന്ത്രി തന്നെ ചര്ച്ച നടത്താന് തീരുമാനിക്കുകയുമായിരുന്നു.