ന്യൂഡല്ഹി: രാജ്യം ഉറ്റുനോക്കുന്ന അയോധ്യ കേസില് സുപ്രീംകോടതി ഇന്ന് വിധി പറയും. ചീഫ് ജസ്റ്റിസ് ദീപക് മിശ്ര അധ്യക്ഷനായ മൂന്നംഗബെഞ്ചാണ് വിധി പറയുന്നത്. 1994 ല് ഇസ്മായീല് ഫാറൂഖി കേസില് മുസ്ലീങ്ങള്ക്ക് ആരാധനയ്ക്ക് പള്ളികള് നിര്ബന്ധമല്ലെന്നും തുറസ്സായ സ്ഥലത്തും അവര് നിസ്കാരമാവമെന്നും സുപ്രീംകോടതിയിലെ ഭൂരിപക്ഷബെഞ്ച് നിരീക്ഷിച്ചിരുന്നു.
ഇതിനെതിരെ വിവിധ മുസ്ലീംസംഘടനകളുടെ അഭിഭാഷകനായ രാജീവ് ധവാന് നല്കിയ ഹര്ജിയിലാണ് സുപ്രീംകോടതിയുടെ മൂന്നംഗ ബെഞ്ച് വ്യക്തത വരുത്തുന്നത്. സുപ്രീംകോടതിയുടെ മുന്നിരീക്ഷണം അനീതിയാണെന്നും അത് അയോധ്യക്കേസിനെ ബാധിക്കുമെന്നും ധവാന് ഹര്ജിയില് പറയുന്നു. സുപ്രീംകോടതി ചീഫ് ജസ്റ്റിസ് ദീപക് മിശ്ര വിരമിക്കുന്നതിന് മുന്പുളള പ്രധാനപ്പെട്ട വിധികളില് അവസാനത്തേതാണിത്.