തിരുവനന്തപുരം: ജീവനായ പ്രിയതമനും മകള് തേജസ്വിനിയും വിട വാങ്ങിയപ്പോള് കണ്ണീരിലാഴ്ത്തി ലക്ഷ്മിയുടെ മുഖം. ലക്ഷ്മിയെ ആശ്വസിപ്പിക്കാന് ഏത് വാക്കുകള്കൊണ്ടാകും, കോളേജ് കാലത്തെ പ്രണയത്തിനൊടുവില് ജീവിതത്തിലേയ്ക്ക് കൂട്ടിയ ഭര്ത്താവിനെയും നീണ്ട 15 വര്ഷത്തെ കാത്തിരിപ്പിനൊടുവില് ലഭിച്ച മകളെയുമാണ് അകാലത്തില് വിധി തട്ടിയെടുത്തത്.
22-ാം വയസ്സിലാണ് ലക്ഷ്മിയെ ബാലഭാസ്കര് ജീവിതത്തിലേയ്ക്ക് കൈപിടിച്ചു കൂട്ടിയത്. സംഗീതം ചതിക്കില്ലെന്ന ഉത്തമവിശ്വാസത്തിലാണ് ചെറുപ്രായത്തില് തന്നെ വിവാഹം കഴിച്ച് കുടുംബ ജീവിതം ആരംഭിച്ചത്.
ഒന്നരവര്ഷത്തോളം നീ പ്രണയത്തിനൊടുവിലാണ് ബാലഭാസ്കര് ലക്ഷ്മിയെ ജീവിതസഖിയാക്കിയത്. വീട്ടുകാര് എതിര്ത്തിട്ടും സംഗീതം ചതിക്കില്ലെന്ന ഉത്തമവിശ്വാസത്തില് ചെറുപ്രായത്തില്ത്തന്നെ വിവാഹത്തിന് ബാലഭാസ്കര് തയ്യാറായി. എംഎ സംസ്കൃതം അവസാനവര്ഷ വിദ്യാര്ഥിയായിരിക്കെയാണ് ബാലഭാസ്കര് കുടുംബനാഥനായത്. ഭാര്യ ലക്ഷ്മിയും അതേ കോളേജില് ഹിന്ദി എംഎ വിദ്യാര്ഥിനിയായിരുന്നു.
യൂണിവേഴ്സിറ്റി കോളേജില് പഠിക്കുമ്പോള് ബാലഭാസ്കര് തുടങ്ങിയ ‘കണ്ഫ്യൂഷന്’ ആണ് ഒരുപക്ഷെ കേരളത്തിലെ കലാലയങ്ങളില് ആദ്യത്തെ മ്യൂസിക് ബാന്ഡ്. ‘കോണ്സണ്ട്രേറ്റഡ് ഇന് ടു ഫ്യൂഷന്’ എന്നതിന്റെ ചുരുക്കപ്പേരായി ബാന്റിന് പേരിട്ടതും ബാലുവാണ്. മൂന്ന് പാട്ടുകാര് ഉള്പ്പെടെ എട്ട് സഹപാഠികളാണ് ബാന്ഡിലുണ്ടായിരുന്നത്..
പ്രണയിനി ലക്ഷ്മിക്കായി കമ്പോസ് ചെയ്ത ‘ആരു നീ എന്നോമലേ…..’ എന്നു തുടങ്ങുന്ന പാട്ട് പ്രതീക്ഷകളെയെല്ലാം കടത്തിവെട്ടി അന്ന് കാമ്പസുകള് ഏറ്റെടുത്തു. സുഹൃത്ത് ജോയ് തമലം എഴുതിയ വരികള് ബാലു തന്നെയാണ് പാടിയത്.
നിനക്കായ്, നീ അറിയാന് തുടങ്ങിയ ആല്ബങ്ങളും കോളേജ് കാലത്ത് ബാലു രൂപീകരിച്ച ‘കണ്ഫ്യൂഷന്’ എന്ന ബാന്റ് സൃഷ്ടിച്ചതാണ്. ‘കോണ്സണ്ട്രേറ്റഡ് ഇന് ടു ഫ്യൂഷന്’ എന്നതിന്റെ ചുരുക്ക പേരായി ബാലു തന്നെയാണ് ഈ പേരിട്ടതും. പിന്നീട് ഈ ബാന്റ് പിരിഞ്ഞു. അതിനുശേഷം ‘ദി ബിഗ് ബാന്റ്’ ബാലു രൂപീകരിച്ചു. ടെലിവിഷന് ചാനലില് ആദ്യമായി ഫ്യൂഷന് പരമ്പരയോടെയാണ് ബാന്ഡ് തുടങ്ങിയത്. പിന്നീട് ‘ബാലലീല’ എന്ന പേരില് സ്വന്തം പരിപാടികളുമായി ലോകം ചുറ്റി. ‘ക്വാബോന് കെ പരിന്ഡെ’ എന്ന ഹിന്ദി ആല്ബവും പുറത്തിറക്കി.
പൂജപ്പുരയില് വാടകവീട്ടില് താമസിച്ചാണ് ഫ്യൂഷന് ഷോകള് നടത്തിയത്. രണ്ടുവര്ഷം പ്രായമുള്ള ‘കണ്ഫ്യൂഷന്’ ബാന്റ് ഇതിനിടെ പിരിഞ്ഞു. കുറച്ചു നാളത്തെ ഇടവേളക്കുശേഷം ‘ദി ബിഗ് ബാന്റ്’ പിറവിയെടുത്തു. ടെലിവിഷന് ചാനലില് ആദ്യമായി ഫ്യൂഷന് പരമ്പരയോടെയാണ് ബാന്ഡ് തുടങ്ങിയത്. മട്ടന്നൂര് ശങ്കരന്കുട്ടി, നെയ്യാറ്റിന്കര വാസുദേവന്, കലാമണ്ഡലം ഹൈദരലി തുടങ്ങിയ സംഗീതകാരന്മാരുമായി അഭിമുഖവും ഫ്യൂഷനുമായി ഓരോ ആഴ്ചയും പരിപാടിക്ക് പ്രേക്ഷകര് കൂടുകയായിരുന്നു. അപ്പോഴേക്കും മുക്കിനുമുക്കിന് മ്യൂസിക് ബാന്റുകളായി. ബാന്റിനെക്കുറിച്ചുള്ള പുതിയ കാഴ്ചപ്പാടുകളാണ് ബാലഭാസ്കറിനെ പിന്നെ നയിച്ചത്. കുറേനാള് ബാന്റില്ലാതെ ‘ബാലലീല’ എന്ന പേരില് സ്വന്തം സംഗീത പരിപാടികളുമായി ലോകം ചുറ്റി. ‘ക്വാബോന് കെ പരിന്ഡെ’ എന്ന പേരില് ഹിന്ദി ആല്ബവും അദ്ദേഹം പുറത്തിറക്കിയിട്ടുണ്ട്.
അമ്മയുടെ അച്ഛന് ഭാസ്കരപ്പണിക്കരുടെ പേര് ചേര്ത്താണ് ബാലുവിന് പേരിട്ടത്. അമ്മയുടേത് സംഗീത കുടുംബമാണ്. അപ്പൂപ്പന് ശ്രീപത്മനാഭസ്വാമി ക്ഷേത്രത്തില് നാദസ്വര വിദ്വാനായിരുന്നു. അതുകൊണ്ടാണ് കുടുംബം തിരുവല്ലയില് നിന്ന് തിരുവനന്തപുരത്ത് താമസമുറപ്പിക്കുന്നത്. അമ്മയുടെ സഹോദരന് ബി.ശശികുമാര് വിഖ്യാത വയലിന് വാദകനാണ്. അദ്ദേഹമാണ് ബാലഭാസ്കറിന്റെ ഗുരുനാഥന്. അമ്മാവനില് നിന്ന് മൂന്നു വയസു മുതല് ബാലു വയലിന് പഠിക്കുന്നു. 10ാം ക്ലാസു വരെ അമ്മാവനോടൊപ്പം ജഗതിയിലെ വീട്ടിലായിരുന്നു താമസവും പഠനവും. പ്രീഡിഗ്രി രണ്ടാം വര്ഷ വിദ്യാര്ഥിയായിരിക്കെ 17ാം വയസിലാണ് ബാലഭാസ്കര് ‘മംഗല്യപ്പല്ലക്ക്’ എന്ന സിനിമക്ക് സംഗീത സംവിധാനം നിര്വഹിച്ചത്.
ആറു പാട്ടുകളാണ് ആ സിനിമയ്ക്കു വേണ്ടി കമ്പോസ് ചെയ്തത്. പിന്നീട് രാജീവ്നാഥിന്റെ ‘മോക്ഷം’, രാജീവ് അഞ്ചലിന്റെ ‘പാട്ടിന്റെ പാലാഴി’ എന്നീ സിനിമകളുമായും സഹകരിച്ചു. പാട്ടിന്റെ പാലാഴിയില് പശ്ചാത്തല സംഗീതം ഒരുക്കിയതിനു പുറമെ അഭിനയിക്കുകയും ചെയ്തു.