മലപ്പുറം: മലപ്പുറം കൂട്ടിലങ്ങാടി ചേരൂരില് നവജാത ശിശുവിനെ അമ്മ കഴുത്തറുത്ത് കൊന്നു. സംഭവവുമായി ബന്ധപ്പെട്ട് ചേരുര് സ്വദേശി നബീലയേയും സഹോദരന് ശിഹാബിനേയും പോലീസ് കസ്റ്റഡിയിലെടുത്തു. ഭര്ത്താവുമായി ഏതാനും വര്ഷമായി അകന്നു കഴിയുന്ന നബീലയ്ക്ക് അവിഹിത ബന്ധത്തിലുണ്ടായ കുട്ടിയെയാണ് കഴുത്തറുത്ത് കൊന്നത്.
അവിഹിതബന്ധത്തിലുണ്ടായ കുഞ്ഞ് വീടിന് അപമാനമാണെന്ന സഹോദരന്റെ തുടര്ച്ചയായ കുറ്റപ്പെടുത്തലിനെ പിന്നാലെയാണ് നബീല കുഞ്ഞിനെ കൊലപ്പെടുത്തിയത്. രണ്ടു പേരെയും പോലീസ് കസ്റ്റഡിയില് എടുത്തു. ശാരീരിക അസ്വസ്ഥതകള് നേരിട്ട നബീലയെ ആശുപത്രിയില് പ്രവേശിപ്പിച്ചു.
സമാനമായ സംഭവം ബാലുശ്ശേരിയില് നടന്നതിന്റെ ഞെട്ടല് മാറുന്നതിന് മുന്പേയാണ് മലപ്പുറത്തെ കൊലപാതകം. രണ്ട് ദിവസം പ്രായമുള്ള കുഞ്ഞിനെ കൊലപ്പെടുത്തിയതിന് നിര്മലൂര് സ്വദേശി റിന്ഷയെ പോലീസ് അറസ്റ്റ് ചെയ്തിരുന്നു. ഞായറാഴ്ച പുലര്ച്ചെയായിരുന്നു കൊലപാതകം. ഭര്ത്താവുമായി വര്ഷങ്ങളായി അകന്ന് കഴിയുകയായിരുന്നു റിന്ഷ. വീട്ടില് തന്നെയായിരുന്നു ഇവരുടെ പ്രസവം. മാനഹാനി ഭയന്നാണ് റിന്ഷ കുട്ടിയെ കൊലപ്പെടുത്തിയതെന്ന് പോലീസ് പറഞ്ഞു.