തിരുവനന്തപുരം: കേരളത്തില് വരുംദിവസങ്ങളില് ശക്തമായ മഴയുണ്ടാകുമെന്ന് കേന്ദ്ര കാലാവസ്ഥ നിരീക്ഷണ വകുപ്പ്. ബംഗാള് ഉള്ക്കടലില് ന്യൂനമര്ദ്ദം രൂപപ്പെടാന് സാധ്യതയുണ്ടെന്ന് മുന്നറിയിപ്പ് നല്കി. ഈ സാഹചര്യത്തില് അടുത്ത അഞ്ചുദിവസം കേരളത്തില് ഒറ്റപ്പെട്ട മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു.
അതേസമയം, കേരളത്തില് നിലവില് ന്യുനമര്ദ്ദ ഭീഷണിയില്ല. ഇന്ത്യന് മഹാസമുദ്രത്തില് തെക്കന് ബംഗാള് ഉള്ക്കടലില് മധ്യഭാഗത്തായി ചക്രവാതചുഴി നിലനില്ക്കുന്നുണ്ട്. വരും മണിക്കൂറില് കിഴക്കു – വടക്കു കിഴക്കു ദിശയില് സഞ്ചരിക്കാന് സാധ്യതയുണ്ട്.
ചക്രവാതചുഴിയുടെ സ്വാധീനത്തില് ഭൂമധ്യരേഖക്കും അതിനോട് ചേര്ന്ന തെക്ക് കിഴക്കന് ബംഗാള് ഉള്ക്കടലിലും അടുത്ത 24 മണിക്കൂറിനുള്ളില് ന്യുന മര്ദ്ദം രൂപപ്പെടാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.