തിരുവനന്തപുരം: കേരളത്തില് വീണ്ടും കനത്ത മഴയ്ക്ക് സാധ്യത. ഇന്ന് ഒമ്പതു ജില്ലകളില് യെല്ലോ അലര്ട്ട് പുറപ്പെടുവിച്ചിട്ടുണ്ട്. കോട്ടയം, തൃശൂര്, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്.
ഒറ്റപ്പെട്ട കനത്ത മഴയ്ക്ക് സാധ്യതയെന്നാണ് കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളത്. നാളെ ആറ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഗോവ മഹാരാഷ്ട്ര തീരത്ത് സ്ഥിതി ചെയ്യുന്ന ന്യൂനമര്ദ്ദം പടിഞ്ഞാറ് വടക്കു പടിഞ്ഞാറ് ദിശയില് സഞ്ചരിച്ച് ശക്തിപ്രാപിച്ചേക്കുമെന്നാണ് കാലാവസ്ഥ വകുപ്പിന്റെ പ്രവചനം.
കേരള തീരത്തിന് ഭീഷണിയില്ലെന്നാണ് കാലാവസ്ഥ വകുപ്പ് നേരത്തെ പറഞ്ഞിരുന്നത്. ബംഗാള് ഉള്ക്കടലില് രൂപം കൊണ്ട ന്യുനമര്ദ്ദം പടിഞ്ഞാറു ദിശയില് സഞ്ചരിച്ചു ഇന്ന് വടക്കന് തമിഴ്നാട് തെക്കന് ആന്ധ്രാപ്രദേശ് തീരത്തെത്താന് സാധ്യതയുണ്ടെന്നും കാലാവസ്ഥ വകുപ്പ് മുന്നറിയിപ്പ് നല്കുന്നു.
മലയോര മേഖലയില് ശക്തമായ മഴയ്ക്കുള്ള സാധ്യതയുള്ളതിനാല് യെല്ലോ അലര്ട്ടാണെങ്കിലും തീവ്രമഴ മുന്നറിയിപ്പിന് സമാനമായ ജാഗ്രത പാലിക്കേണ്ടതുണ്ടെന്നും കേന്ദ്ര കാലാവസ്ഥ നിരീക്ഷണ കേന്ദ്രം അറിയിക്കുന്നു. ഉരുള്പൊട്ടല്, മണ്ണിടിച്ചില് സാധ്യതയുള്ള പ്രദേശങ്ങളില് താമസിക്കുന്നവര് അതീവ ജാഗ്രത പാലിക്കണമെന്നും മുന്നറിയിപ്പുണ്ട്.