കൊച്ചി: നടന് ജോജു ജോര്ജുമായുള്ള വിഷയത്തില് കോണ്ഗ്രസിന്റെ പ്രതിഷേധം അതിശക്തമായി തുടരുന്നു. എറണാകുളം ഷേണായിസ് തിയേറ്ററിന് മുന്നില് നടന്റെ ചിത്രമുള്ള റീത്ത് വെച്ചായിരുന്നു ഇന്നത്തെ പ്രതിഷേധം. ജോജു അഭിനയിച്ച ചിത്രത്തിന്റെ പോസ്റ്റര് നീക്കിയില്ലെന്നാരോപിച്ചായിരുന്നു പ്രതിഷേധം.
നടന് ജോജു ജോര്ജ് അഭിനയിച്ച സ്റ്റാര് എന്ന ചിത്രം കോവിഡിന് ശേഷം തീയ്യേറ്റര് തുറന്നപ്പോള് ഷേണായീസ് തിയേറ്ററില് പ്രദര്ശിപ്പിച്ചിരുന്നു. എന്നാല് പ്രദര്ശനം കഴിഞ്ഞ് സിനിമ മാറി ഒരാഴ്ച പിന്നിട്ടിട്ടും നടന്റെ പോസ്റ്റര് ഇവിടെനിന്ന് നീക്കംചെയ്തില്ലെന്ന് ആരോപിച്ചാണ് യൂത്ത് കോണ്ഗ്രസ് പ്രവര്ത്തകര് പ്രതിഷേധവും മുദ്രാവാക്യംവിളികളുമായി എത്തിയത്.
ഇന്ധന വിലവര്ധനവിനെതിരെ കോണ്ഗ്രസ് നടത്തിയ സമരത്തില് ഗതാഗതക്കുരുക്കുണ്ടായതില് ജോജു പ്രതിഷേധിച്ചിരുന്നു. ഇതിനേത്തുടര്ന്നുണ്ടായ വാക്കേറ്റത്തിനൊടുവിലാണ് നടന്റെ കാര് അടിച്ച് തകര്ത്തത്. ഈ കേസില് കൊച്ചി മുന് മേയര് ടോണി ചമ്മിണി ഉള്പ്പെടെയുള്ള പ്രതികള് കഴിഞ്ഞ ദിവസം കീഴടങ്ങിയിരുന്നു.