പരവൂര്: അണിഞ്ഞൊരുങ്ങി വധുവായി അനഘ പാഞ്ഞെത്തിയത് കതിര്മണ്ഡപത്തിലേയ്ക്ക് ആയിരുന്നില്ല. മറിച്ച് പരീക്ഷാ ഹാളിലേയ്ക്ക് ആയിരുന്നു. കോട്ടപ്പുറം വാവറ പടിഞ്ഞാറ്റതില് വീട്ടില് സിഎന് പ്രേംനാഥിന്റെയും എസ് അനിതയുടെയും മകളായ അനഘ പി നാഥിന്റെ വിവാഹവും പരീക്ഷയും ഒരുമിച്ച് എത്തിയതാണ് ഈ മുഹൂര്ത്തത്തിലേയ്ക്ക് വഴിവെച്ചത്.
വര്ക്കല നെടുങ്ങണ്ട എസ്എന് ട്രെയിനിങ് കോളജിലെ രണ്ടാം വര്ഷ ബിഎഡ് വിദ്യാര്ഥിനിയാണ് അനഘ. അനഘയുടെ മൂന്നാം സെമസ്റ്റര് പരീക്ഷയായിരുന്നു ഇന്നലെ നടന്നത്. ഒപ്പം ജീവിതത്തിലെ സുപ്രധാന മുഹൂര്ത്തവും. 18 നു നടക്കേണ്ടിയിരുന്ന പരീക്ഷയാണ് ഇന്നലത്തേക്ക് മാറ്റിവച്ചത്. 10 മുതല് 12 വരെയായിരുന്നു പരീക്ഷ സമയം. 11.10 നും 11.45 നും ഇടയില് വിവാഹവും.
ഒരു മണിക്കൂര് പരീക്ഷ എഴുതിയ ശേഷം അനഘ പരവൂര് പുതിയിടം മഹാദേവ ക്ഷേത്രത്തിലെ കല്യാണ പന്തലിലേക്ക് എത്തുകയായിരുന്നു. കുറുമണ്ടല് ചന്ദ്രവിലാസത്തില് കെ ചന്ദ്രമോഹന് ഉണ്ണിത്താന്റെയും സിഎസ് ശ്രീദേവി അമ്മയുടെയും മകന് സിഎസ് ദീനൂപ് ആണ് അനഘയുടെ കഴുത്തില് മിന്ന് ചാര്ത്തിയത്.