തിരുവനന്തപുരം: നിയമന തട്ടിപ്പ് കേന്ദ്രമായി പിഎസ്സി മാറിയെന്ന് ബിജെപി സംസ്ഥാന അദ്ധ്യക്ഷന് കെ സുരേന്ദ്രന്. പിഎസ്സി പരീക്ഷകളുടെ വിശ്വാസ്യത നഷ്ടപ്പെട്ട സാഹചര്യത്തില് ചെയര്മാനേയും അംഗങ്ങളേയും മാറ്റി നിര്ത്തിയുള്ള അന്വേഷണം വേണമെന്നും കെ സുരേന്ദ്രന് ആവശ്യപ്പെട്ടു.
മുഖ്യമന്ത്രിയുടെ വകുപ്പിന് കീഴിലുള്ള രണ്ട് ഉദ്യോഗസ്ഥരാണ് കെഎഎസ് പരീക്ഷയുമായി ബന്ധപ്പെട്ട് സംശയനിഴലിലുള്ളത്. പോലീസ് കോണ്സ്റ്റബിള് പരീക്ഷ തട്ടിപ്പിലെ അന്വേഷണം പാതിവഴിയില് നിലച്ചുവെന്നും സുരേന്ദന് കുറ്റപ്പെടുത്തി.
അതിനിടെ കഴിഞ്ഞ ദിവസം തിരുവനന്തപുരം തമ്പാനൂരിലെ ലക്ഷ്യ, വീറ്റോ എന്നീ പിഎസ്സി പരിശീലന കേന്ദ്രങ്ങളില് വിജിലന്സ് പരിശോധന നടത്തി. ഭരണസിരാകേന്ദ്രമായ സെക്രട്ടേറിയേറ്റിലെ ഉദ്യോഗസ്ഥര് നടത്തുന്ന പിഎസ്സി പരിശീലന കേന്ദ്രത്തിനെതിരെ അന്വേഷണം ആവശ്യപ്പെട്ട് പൊതുഭരണ സെക്രട്ടറിയും, കേരള പിഎസ്സി കമ്മീഷനും നല്കിയ പരാതിയുടെ അടിസ്ഥാനത്തിലായിരുന്നു പരിശോധന.