ന്യൂഡല്ഹി: ശബരിമല കേസില് ആചാര സംരക്ഷണത്തെ പിന്തുണയ്ക്കുന്ന നിലപാടുമായി കേന്ദ്രസര്ക്കാര്. എല്ലാ മത ആചാരങ്ങളിലും കോടതിക്ക് ഇടപെടാനാവില്ലെന്ന് കേന്ദ്ര സര്ക്കാര് സുപ്രീംകോടതിയെ അറിയിക്കും. ക്രിമിനല് സ്വഭാവം ഇല്ലാത്ത മതാചാരങ്ങളില് കോടതി ഇടപെടരുതെന്നും കേന്ദ്ര സര്ക്കാര് കോടതിയെ അറിയിക്കും.
ശബരിമലയുമായി ബന്ധപ്പെട്ട് ഏഴ് പരിഗണനാ വിഷയങ്ങളില് സുപ്രീകോടതി വിശാല ബെഞ്ച് നാളെ വാദം കേള്ക്കാനിരിക്കെയാണ് കേന്ദ്രം നിലപാട് വ്യക്തമാക്കിയത്. കേന്ദ്ര നിയമ മന്ത്രാലയ വൃത്തങ്ങളാണ് ഇക്കാര്യങ്ങള് അറിയിച്ചത്. ചീഫ് ജസ്റ്റിസ് എസ്എ ബോബ്ഡെ അധ്യക്ഷനായ ബെഞ്ചാണ് ശബരിമലയുമായി ബന്ധപ്പെട്ട് ഏഴ് പരിഗണനാ വിഷയങ്ങളില് നാളെ വാദം കേള്ക്കുന്നത്.