പത്തനംതിട്ട; ആക്രമണമുണ്ടാകുമെന്ന് പേടിയുണ്ടെന്ന് ശബരിമലകയറാനെത്തിയ കൊച്ചി സ്വദേശി രഹന ഫാത്തിമ. സന്നിധാനത്തേക്ക് പോകാന് ആഗ്രമുണ്ടായിരുന്നെങ്കിലും അവിടുത്തെ സംഘര്ഷ സാധ്യത കണക്കിലെടുത്ത് പോകേണ്ടെന്ന് സ്വയം തീരുമാനിക്കുകയായിരുന്നുവെന്ന് രഹന പറഞ്ഞു.
പേടിപ്പെടുത്തുന്ന സാഹചര്യമാണ് അവിടെ നിലനില്ക്കുന്നത്. ഇനി മുന്നോട്ട് പോകാനാകില്ലെന്ന് പോലീസും വ്യക്തമാക്കി. ഇനിയും ശബരിമലയിലേക്ക് വരാന് ആഗ്രഹമുണ്ടെന്നും രഹന പറഞ്ഞു.
‘അവര് കുട്ടികളെ ഉപയോഗിച്ചാണ് വിലപേശിയത്. അവരുടെ ജീവന് എന്തെങ്കിലും പറ്റണമെന്ന് എനിക്ക് ആഗ്രഹമില്ല. അതുകൊണ്ടാണ് തിരിച്ചിറങ്ങിയത്. ഇരുമുടിക്കെട്ട് തലയിലേന്തിയത് അയ്യപ്പനെ കാണണമെന്ന് ആഗ്രഹിച്ചാണ്. എന്നാല് അതിന് അനുവദിച്ചില്ല. ഇത് ഇവിടെ ഉപേക്ഷിച്ച് പോകുകയാണ്’- രഹന പറഞ്ഞു