കൊച്ചി: ശബരിമലയില് സ്ത്രീപ്രവേശനം അനുവദിച്ചുള്ള സുപ്രീംകോടതി വിധി നടപ്പിലാക്കിയാല് ഈ മാസം 18 വ്യാഴാഴ്ച ഹര്ത്താലിന് ആഹ്വാനം ചെയ്യുമെന്ന് മുന് വിഎച്ച്പി നേതാവ് പ്രവീണ് തൊഗാഡിയ. സുപ്രീം കോടതി വിധിക്കെതിരെ കേന്ദ്രസര്ക്കാര് ഓര്ഡിനന്സ് ഇറക്കണം.
ഇക്കാര്യത്തില് കേന്ദ്ര സര്ക്കാര് സ്വീകരിക്കുന്നത് ഇരട്ടത്താപ്പാണെന്നും തെഗാഡിയ ആരോപിച്ചു. ശബരിമലയില് പ്രായഭേദമന്യേ സ്ത്രീകളെ പ്രവേശിപ്പിക്കാമെന്ന സുപ്രീംകോടതി വിധി നടപ്പാക്കാനുള്ള തീരുമാനവുമായി സര്ക്കാര് മുന്നോട്ടുപോകുന്ന സാഹചര്യത്തിലാണ് ഹര്ത്താല് നടത്തുമെന്ന് ഭീഷണി ഇറക്കിയിരിക്കുന്നത്.
നട തുറക്കുന്ന 17ന് തന്നെ ഹര്ത്താല് നടത്താനാണ് ആലോചന എന്ന് ശബരിമല ആചാര സംരക്ഷണ സമിതി നേരത്തെ വ്യക്തമാക്കിയിരുന്നു. പുനഃപരിശോധന ഹര്ജിയില് വിധി വരുന്നതു വരെ ശബരിമലയില് സ്ത്രീകളെ പ്രവേശിപ്പിക്കരുതെന്നും ആചാര സംരക്ഷണ സമിതി ആവശ്യം.