തിരുവനന്തപുരം: തിരുവനന്തപുരം മേയര് ആര്യാ രാജേന്ദ്രനും ബാലുശേരി എംഎല്എ സച്ചിന് ദേവും വിവാഹിതരായി. എകെജി ഹാളില് വെച്ച് വളരെ ലളിതമായ ചടങ്ങുകളോടെയായിരുന്നു വിവാഹം. വിവാഹ ചടങ്ങുകളില് രാഷ്ട്രീയ സമൂഹിക രംഗത്തെ പ്രമുഖര് പങ്കെടുത്തു.
ആര്യയും സച്ചിന് ദേവും വിവാഹിതരാവാന് തീരുമാനിച്ചതായി ഫെബ്രുവരി മാസമാണ് അറിയിച്ചത്. ഇക്കഴിഞ്ഞ മാര്ച്ച് ആറിനായിരുന്നു ഇരുവരുടെയും വിവാഹനിശ്ചയം നടന്നത്. ഇരുവരുടെയും അടുത്തബന്ധുക്കളും പാര്ട്ടിയിലെ മുതിര്ന്ന നേതാക്കളും മാത്രമാണ് അന്ന് ചടങ്ങില് പങ്കെടുത്തത്.
also read: അടിച്ചു മോനെ 42കോടി!, അബുദാബി ബിഗ് ടിക്കറ്റിന്റെ ഒന്നാംസമ്മാനം പ്രവാസി യുവതിക്ക്
സച്ചിനും ആര്യയും തമ്മില് സംഘടന പ്രവര്ത്തനത്തിനിടയിലുണ്ടായ അടുപ്പം വീട്ടുകാരുടെ അനുമതിയോടെ വിവാഹത്തിലേക്ക് എത്തുകയായിരുവെന്നായിരുന്നു. ബാലസംഘം, എസ്എഫ്ഐ തുടങ്ങിയ സംഘടനകളില് ഇരുവരും ഒരുമിച്ചായിരുന്നു പ്രവര്ത്തിച്ചിരുന്നത്.
കുറച്ച് ദിവസങ്ങള്ക്ക് മുമ്പ് വിവാഹത്തിന് ഉപഹാരങ്ങള് സ്വീകരിക്കുന്നില്ലെന്ന് ഇരുവരും പറഞ്ഞിരുന്നു. നല്കണമെന്ന് ആഗ്രഹിക്കുന്നവര് നഗരസഭയുടെ വൃദ്ധ സദനങ്ങളിലോ അഗതിമന്ദിരത്തിലോ മുഖ്യമന്ത്രിയുടെ ദുരിതാശ്വാസ നിധിയിലേക്കോ നല്കണമെന്നാണ് ആഗ്രഹമെന്നും ഇരുവരും കൂട്ടിച്ചേര്ത്തു.
രാജ്യത്തെ ഏറ്റവും പ്രായം കുറഞ്ഞ മേയറാണ് ആര്യാ രാജേന്ദ്രന്. നിയമസഭയിലെ ഏറ്റവും പ്രായം കുറഞ്ഞ എംഎല്എയാണ് സച്ചിന്. നിയമബിരുദധാരിയും കോഴിക്കോട് സ്വദേശിയുമായ സച്ചിന് സിപിഐഎം കോഴിക്കോട് ജില്ലാ കമ്മിറ്റി അംഗമാണ്. 21-ാം വയസില് മേയറായ ആര്യ എസ്എഫ്ഐ സംസ്ഥാന കമ്മിറ്റി അംഗവും സിപിഐഎം ചാല ഏരിയ കമ്മിറ്റി അംഗവുമാണ്.