തിരുവനന്തപുരം: അഡ്വ. പി സതീദേവി വനിതാ കമ്മീഷന് അധ്യക്ഷയാകും. സിപിഎം സംസ്ഥാന സമിതി അംഗമാണ് സതീദേവി. ഇത് സംബന്ധിച്ച് സിപിഎം സെക്രട്ടേറിയറ്റില് ധാരണയായി. സംസ്ഥാനകമ്മറ്റി ഇതില് അന്തിമതീരുമാനമെടുക്കും.
എംസി ജോസഫൈന് രാജിവച്ച സാഹചര്യത്തിലാണ് പുതിയ അധ്യക്ഷയെ തെരഞ്ഞെടുക്കേണ്ടിവന്നത്. ജോസഫൈന് ഒഴിഞ്ഞ ശേഷം രണ്ട് മാസമായി വനിതാ കമ്മീഷന് അധ്യക്ഷയില്ലാത്ത അവസ്ഥയാണ്. മഹിളാ അസോസിയേഷന് സംസ്ഥാന സെക്രട്ടറിയാണ് പി സതീദേവി.
വടകര ലോക്സഭാ എംപിയായും തെരഞ്ഞെടുക്കപ്പെട്ടിട്ടുണ്ട്. സിപിഎം സംസ്ഥാന സമിതി അംഗമായ പി ജയരാജന്റെ സഹോദരിയും അന്തരിച്ച സിപിഎം നേതാവ് എം ദാസന്റെ ഭാര്യയുമാണ്.