കൊച്ചി: സംസ്ഥാനത്ത് കൂടിയും കുറഞ്ഞും സ്വര്ണവിലയില് ചാഞ്ചാട്ടം തുടരുന്നു. തുടര്ച്ചയായ മുന്നേറ്റത്തിന് ശേഷം താഴ്ന്ന സ്വര്ണവില ഇന്ന് വീണ്ടും ഉയര്ന്നു. ഇന്ന് പവന് 80 രൂപയാണ് വര്ധിച്ചത്. ഇതോടെ ഒരു പവന് സ്വര്ണത്തിന്റെ വില 35,200 രൂപയായി ഉയര്ന്നു.
ഒരു ഗ്രാം സ്വര്ണത്തിന്റെ വില പത്തുരൂപ വര്ധിച്ച് 4400 രൂപയായി. തുടര്ച്ചയായ ദിവസങ്ങളില് മാറ്റമില്ലാതെ തുടര്ന്ന സ്വര്ണവിലയില് കഴിഞ്ഞ ദിവസം മുതലാണ് വര്ധന ആരംഭിച്ചത്. കഴിഞ്ഞമാസം 22ന് സ്വര്ണവില ഈ മാസത്തെ ഏറ്റവും ഉയര്ന്ന നിലവാരത്തില് എത്തിയിരുന്നു.
പിന്നീട് വില കുറഞ്ഞ സ്വര്ണവില കഴിഞ്ഞദിവസം 35040 രൂപയില് എത്തി. തുടര്ന്ന് രണ്ടുദിവസം മാറ്റമില്ലാതെ തുടര്ന്ന സ്വര്ണവിലയാണ് കഴിഞ്ഞ രണ്ടുദിവസം ഉയര്ന്നത്. ചൊവ്വാഴ്ച സ്വര്ണവില ഈ മാസത്തെ ഏറ്റവും ഉയര്ന്ന നിലവാരത്തില് എത്തിയിരുന്നു.
തുടര്ന്നാണ് ഇന്നലെ വില താഴ്ന്നത്. കഴിഞ്ഞമാസത്തിന്റെ തുടക്കത്തിലാണ് സമീപ ദിവസങ്ങളിലെ കുറഞ്ഞ വില രേഖപ്പെടുത്തിയത്. 33,320 രൂപയായിരുന്നു വില. കോവിഡ് രണ്ടാം തരംഗത്തെത്തുടര്ന്ന് രാജ്യാന്തര സമ്പദ് വിപണിയിലുണ്ടായ തകര്ച്ച സ്വര്ണ വിപണിയില് പ്രതിഫലിക്കുന്നുണ്ടെന്നാണ് വിലയിരുത്തല്.