തിരുവനന്തപുരം: പുതിയ ചീഫ് സെക്രട്ടറിയായി വിപി ജോയ് ചുമതലയേറ്റു. നിലവിലെ ചീഫ് സെക്രട്ടറി വിശ്വാസ് മേത്ത വിരമിച്ച ഒഴിവിലാണ് നിയമനം. പുതിയ ചുമതല ഏറ്റെടുത്തതില് സന്തോഷമുണ്ട്. സംസ്ഥാനത്തിന്റെ പുരോഗതിക്ക് വേണ്ടി പ്രവര്ത്തിക്കുമെന്നും ചുമതല ഏറ്റെടുത്ത് അദ്ദേഹം പറഞ്ഞു.
ഇലക്ട്രോണിക്സ് എഞ്ചിനീയറായിരുന്ന ജോയ് 1987ലാണ് സിവില് സര്വീസിലെത്തുന്നത്. പ്രൊവിഡന്റ് കമ്മീഷണര് എന്ന നിലക്കും അദ്ദേഹം മികച്ച സേവനമനുഷ്ഠിച്ചിട്ടുണ്ട്. ഡെപ്യൂട്ടേഷന് കഴിഞ്ഞ് ജനുവരിയിലാണ് ജോയ് സംസ്ഥാന സര്വീസില് തിരിച്ചെത്തിയത്.
അതേസമയം നിലവിലെ ചീഫ് സെക്രട്ടറി വിശ്വാസ് മേത്തയ്ക്ക് ചീഫ് ഇന്ഫര്മേഷന് കമ്മീഷണറായി നിയമനം ലഭിച്ചു.