കൊച്ചി: തൊടുപുഴയില് ഏഴു വയസുകാരനെ ക്രൂരമായി മര്ദ്ദിച്ച സംഭവത്തില് പ്രതി അരുണ് ആനന്ദ് അറസ്റ്റില്. ഏഴ് വയസ്സുകാരനെ അരുണ് ആനന്ദ് അതിക്രൂരമായി മര്ദ്ദിച്ചെന്ന് പോലീസ് വ്യക്തമാക്കിയിരുന്നു. പ്രതി ചവിട്ടിയും ഇടിച്ചും പരിക്കേല്പ്പിച്ചു, ചുവരിലേക്ക് വലിച്ചെറിഞ്ഞപ്പോഴാണ് കുട്ടിയ്ക്ക് ഗുരുതരമായി പരിക്കേറ്റത്.
ഇളയകുട്ടി കിടക്കയില് മൂത്രമൊഴിച്ചതാണ് പ്രകോപനത്തിന് കാരണമെന്നും പോലീസ് പറയുന്നു. ഇയാളുടെ അറസ്റ്റ് ഉടന് രേഖപ്പെടുത്തുമെന്നും അന്വേഷണ ഉദ്യോഗസ്ഥനായ തൊടുപുഴ ഡിവൈഎസ്പി കെപി ജോസ് അറിയിച്ചു.
വ്യാഴാഴ്ച പുലര്ച്ചെയാണ് തലയോട്ടി പൊട്ടിയ നിലയില് കുഞ്ഞിനെ അമ്മയും സുഹൃത്തായ അരുണ് ആനന്ദും ചേര്ന്ന് കോലഞ്ചേരിയിലെ സ്വകാര്യ ആശുപത്രിയില് കൊണ്ടുവരുന്നത്. രക്തത്തില് കുളിച്ച കുഞ്ഞിന്റെ തലച്ചോറ് പുറത്തു വന്ന നിലയിലായിരുന്നു. എന്താണ് സംഭവിച്ചതെന്ന് ഡോക്ടര്മാര് ചോദിച്ചപ്പോള് കുട്ടിയുടെ അമ്മ ആദ്യം സോഫയില് നിന്ന് വീണ് തല പൊട്ടിയെന്നാണ് പറഞ്ഞത്.
എന്നാല് കുട്ടിയെ പരിശോധിച്ച ഡോക്ടര്മാര്ക്ക് സംശയം തോന്നി പോലീസിനെ അറിയിക്കുകയായിരുന്നു. ബലമുള്ള എന്തോ വസ്തു വച്ച് തലയിലടിച്ച പോലെയായിരുന്നു കുട്ടിയുടെ പരിക്കുകള്.