ഏറെ രുചിയുള്ള ഒരു മധുര പലഹാരമാണ് പൈനാപ്പിള് ഫാന്റസി. വളരെ എളുപ്പത്തില് ഉണ്ടാക്കാന് കഴിയുന്ന പൈനാപ്പിള് ഫാന്റസി പാര്ട്ടിക്കും മറ്റും തയ്യാറാക്കാവുന്ന മികച്ച വിഭവമാണ്. തികച്ചും വ്യത്യസ്തമാര്ന്ന രുചിയുള്ള വിഭവം ഉണ്ടാക്കാന് നിങ്ങള് കരുതുന്നുവെങ്കില് പരീക്ഷിക്കാം പൈനാപ്പിള് ഫാന്റസി.
ആവശ്യമായ സാധനങ്ങള്
തേന് – കാല് കപ്പ്
സാന്ഡ് വിച്ച് ബ്രഡ് – 4 കഷ്ണം
പൈനാപ്പിള് ക്രഷ് – കാല് കപ്പ്
വെണ്ണ – കാല് കപ്പ്
വറുത്ത – നിലക്കടല( തൊലികളഞ്ഞത്) ഒരു കൈനിറയെ
പൈനാപ്പിള് സത്ത – 23 തുള്ളി
ഹങ് കേര്ഡ് – 2 ടേബിള്സ്പൂണ്
പഞ്ചസാര പൊടിച്ചത് – 4 ടേബിള്സ്പൂണ്
പൈനാപ്പിള് കഷ്ണം അലങ്കാരത്തിന്
തയ്യാറാക്കുന്ന വിധം
ആദ്യം ബ്രഡ് കഷ്ണങ്ങളുടെ വശങ്ങള് കളയുക. ശേഷം ഒരു ബ്രഡ് കഷ്ണം എടുത്ത് പൈനാപ്പിള് ക്രഷ് പുരട്ടുക. മറ്റൊരു ബ്രഡ് കഷ്ണം അതിന് മുകളില് വയ്ക്കുക. അതില് തേന് പുരട്ടുക. അതിന് മുകളില് മറ്റൊരു ബ്രഡ് കഷ്ണം വച്ച് വെണ്ണ പുരട്ടുക. എന്നിട്ട് ഒരു കൈ നിലക്കടല പൊടിച്ചെടുക്കുക. വെണ്ണ തേച്ച ബ്രഡില് ഇതും കൂടി ചേര്ക്കുക. ബ്രഡില് നിലക്കടല വിതറി സാവധാന അമര്ത്തുക. മറ്റൊരു ബ്രഡ് കഷ്ണം വയ്ക്കുക.
ഹങ് കേര്ഡ് ഒരു പാത്രത്തില് എടുക്കുക ഇതിലേക്ക് പൈനാപ്പില് സത്ത ചേര്ക്കുക. പഞ്ചസാര പൊടിച്ചത് ചേര്ക്കുക. ഇത് നന്നായി ഇളക്കുക. ബ്രഡ് അടുക്കിന്റെ മുകളിലും നാല് വശങ്ങളിലും ഹങ് കേര്ഡ് ഒഴിച്ച് മൂടുക. പൈനാപ്പിള് കഷ്ണം മുകളില് വച്ച് അലങ്കരിക്കുക. ശേഷം 23 മണിക്കൂര് ഇത് ഫ്രീസ് ചെയ്യുക. ഫ്രീസറില് നിന്ന് എടുത്ത് 15 മിനുട്ട് വയ്ക്കുക. സ്വാദുള്ള പൈനാപ്പിള് ഫാന്റസി റെഡി. ഇനി ശ്രദ്ധയോടെ ചെറുകഷ്ണങ്ങളാക്കി വിളമ്പാം.