കൊച്ചി; സംസ്ഥാന ചലച്ചിത്രപുരസ്‌കാരദാനച്ചടങ്ങില്‍ നടന്‍ മോഹന്‍ലാലിനെ മുഖ്യാതിഥിയാക്കാന്‍, സര്‍ക്കാര്‍ തീരുമാനം. എതിര്‍പ്പുകള്‍ അവഗണിച്ചാണ് സര്‍ക്കാര്‍ പുതിയ തീരുമാനം. മോഹന്‍ലാലിന് ക്ഷണക്കത്ത് ഉടന്‍ നല്‍കുമെന്ന് മന്ത്രി എകെ ബാലന്‍ പറഞ്ഞു. മോഹന്‍ലാല്‍ മുഖ്യാതിഥിയായി വന്നാല്‍ പുരസ്‌കാരജേതാക്കളുടെ പ്രാധാന്യം കുറയുമെന്ന വാദത്തില്‍ യുക്തിയില്ലെന്നും മന്ത്രി പറഞ്ഞു.
നടന്‍ ദിലീപിനെ താരസംഘടനയില്‍ തിരിച്ചെടുക്കുന്നതിനെച്ചൊല്ലിയുള്ള നിലപാടാണ് മോഹന്‍ലാലിനെതിരെ വിമര്‍ശനമുയരാന്‍ കാരണമായത്. ഇതിന്റെ പശ്ചാത്തലത്തിലാണ് മോഹന്‍ലാലിനെ സംസ്ഥാന പുരസ്‌കാരദാനച്ചടങ്ങില്‍ മുഖ്യാതിഥിയാക്കാന്‍ ആലോചിപ്പോള്‍ തന്നെ എതിര്‍പ് ഉയര്‍ന്നത്.
എന്നാല്‍ സര്‍ക്കാര്‍ മോഹന്‍ലാലിനൊപ്പമെന്ന് പ്രഖ്യാപിച്ചു മന്ത്രി എകെ ബാലന്‍ സംസ്ഥാന ചലച്ചിത്ര പുരസ്‌കാര ദാനച്ചടങ്ങില്‍ സൂപ്പര്‍ താരങ്ങള്‍ പങ്കെടുക്കുന്നത് അവാര്‍ഡ് ജേതാക്കളുടെ പ്രാധാന്യം കുറയ്ക്കുമെന്ന് കാട്ടി സിനിമ സാഹിത്യ സാംസ്‌കാരിക മേഖലയിലെ നൂറ്റിയേഴുപേര്‍ മുഖ്യമന്ത്രിക്ക് കഴിഞ്ഞദിവസം നിവേദനം നല്‍കിയിരുന്നു. അതൊന്നും സര്‍ക്കാര്‍ തീരുമാനത്തെ സ്വാധീനിച്ചില്ലെന്ന് മന്ത്രിയുടെ വാക്കുകള്‍ വ്യക്തമാക്കുന്നു. അടുത്തമാസം എട്ടിന് കനകക്കുന്ന് നിശാഗന്ധിയിലാണ് അവാര്‍ഡ് പുരസ്‌കാരദാനച്ചടങ്ങ്.
