ബ്രിട്ടന്; രണ്ടുമാസം പ്രായമുള്ള പിഞ്ചു കുഞ്ഞിനെ കാറിലടച്ച് രക്ഷിതാക്കള് ഷോപ്പിംഗിന് പോയി. ബ്രിട്ടനിലെ ബര്മിംഗ്ഹാം ബാര്ണസ് ഹില്ലിലെ ആസ്ദയ്ക്ക് മുമ്പിലാണ് സംഭവം. കാറിനകത്ത് വിയര്പ്പില് മുങ്ങിയ കുഞ്ഞിനെ ഷോപ്പിംഗിനെത്തിയ മറ്റൊരു സ്ത്രീ കണ്ടതിനാല് കുഞ്ഞ് തലനാരിഴയ്ക്ക് രക്ഷപ്പെട്ടു.
ചില്ല് പോലും തുറക്കാതെയാണ് കുഞ്ഞിനെ രക്ഷിതാക്കള് കാറില് കിടത്തിയിട്ട് പോയത്. വിര്പ്പില് കുതിര്ന്ന കുഞ്ഞിനെ കണ്ടവര് സെക്യൂരിറ്റി ഗാര്ഡിനെ വിവരമറിയിച്ചെങ്കിലും ജോലി നഷ്ടപ്പെടുമെന്ന് ഭയന്ന് കാര് കുത്തിത്തുറക്കാന് സുരക്ഷാ ഗാര്ഡ് വിസമ്മതിച്ചു.
ഇതോടെ ഒരാള് കാറിന്റെ പൂട്ട് കുത്തിത്തുറന്ന് കുഞ്ഞിനെ പുറത്തെടുക്കുകയായിരുന്നു. കുഞ്ഞിനെ പുറത്തെടുക്കുമ്പോള് വാഷിംഗ് മെഷീനില് ഇട്ടത് പോലെയായിരുവെന്നാണ് രക്ഷിച്ചവര് പറയുന്നത്. സൂപ്പര്മാര്ക്കറ്റില് പലവട്ടം ഇതേക്കുറിച്ച് അനൗണ്സ്മെന്റ് നടത്തിയെങ്കിലും കുട്ടിയുടെ അമ്മ 50 മിനിറ്റിന് ശേഷമാണ് തിരിച്ചെത്തുന്നത്. രക്ഷിതാക്കളെ ചോദ്യം ചെയ്തതായി വെസ്റ്റ് മിഡ്ലാന്ഡ്സ് പോലീസ് വ്യക്തമാക്കി.