ന്യൂവാര്‍ക്ക്: എയര്‍ ഇന്ത്യയിയുടെ ബിസിനസ് ക്ലാസില്‍ മൂട്ടശല്യം. ഇതേത്തുടര്‍ന്ന് വിമാനം വൈകി. അമേരിക്കയിലെ ന്യുവാര്‍ക്കില്‍നിന്നു മുംബൈയിലേക്കു കഴിഞ്ഞ ആഴ്ച്ച യാത്ര ചെയ്ത വിമാനത്തിലെ ആളുകളാണ് പരാതിയുമായി രംഗത്തെത്തിയത്. 17 മണിക്കൂര്‍ നീണ്ട യാത്രയില്‍ ബിസിനസ് ക്ലാസില്‍ യാത്ര ചെയ്തവര്‍ക്ക് തുടര്‍ച്ചയായി മൂട്ടകടി അനുഭവപ്പെട്ടു. ഇതു കാരണം യാത്രയില്‍ ഉടനീളം കൊച്ചു കുട്ടികള്‍ കരഞ്ഞു ബഹളം വച്ചതായി യാത്രക്കാര്‍ പറയുന്നു.
നേരത്തെ സമാനമായ പരാതി ലഭിച്ചിട്ടും എയര്‍ ഇന്ത്യ ഇതു വരെ നടപടിയൊന്നും സ്വീകരിച്ചിട്ടില്ലെന്ന് ആക്ഷേപം ഉയരുന്നുണ്ട്. വിമാനത്തിന്റെ ബിസിനസ് ക്ലാസിലെ എല്ലാ സീറ്റുകളിലും മൂട്ടശല്യമുണ്ടായിരുന്നതായി യാത്രക്കാര്‍ പരാതിപ്പെട്ടു. ഗുരുതരമായ ഈ പിഴവ് തന്നെ ഞെട്ടിക്കുന്നതായി യാത്രക്കാരനായ പ്രവീണ്‍ ടോണ്‍സെകര്‍ ട്വീറ്റ് ചെയ്തു. തന്റെ ഭാര്യയും കുട്ടിയും ഇതു കാരണം വിമാനത്തിന്റെ ഇക്കണോമി ക്ലാസിലാണ് യാത്രയില്‍ ഭൂരിഭാഗം നേരവും ചെലവഴിച്ചത്.
ഇവിടെ പൊട്ടിയ മേശകളും ടിവിയുമാണ് ഉണ്ടായിരുന്നതും അദ്ദേഹം ട്വീറ്റ് ചെയ്തു. ഈ ട്വീറ്റില്‍ പ്രവീണ്‍ എയര്‍ ഇന്ത്യയെയും വ്യോമയാനമന്ത്രി സുരേഷ് പ്രഭുവിനെയും ടാഗ് ചെയ്തിട്ടുണ്ട്. വിഷയത്തില്‍ ഇതു വരെ പ്രതികരിക്കാന്‍ എയര്‍ ഇന്ത്യ തയ്യാറായിട്ടില്ല. കഴിഞ്ഞ വര്‍ഷം ഓഗസ്റ്റില്‍ എയര്‍ ഇന്ത്യയുടെ തന്നെ ഡല്‍ഹിയില്‍നിന്നു സാന്‍ഫ്രാന്‍സിസ്‌കോയിലേക്കു പോയ വിമാനത്തില്‍ എലി കയറികൂടിയത് വലിയ വിവാദത്തിന് വഴിവെച്ചിരുന്നു.
@airindiain @sureshpprabhu @narendramodi_in Suresh Prabhuji – just arrived from New York on Air India 144 business class with family . All our seats infested with bed bugs . Sir , have heard of bed bugs on trains but shocked to experience on our maharaja and that too business pic.twitter.com/m2GnfOpTO3
— Pravin Tonsekar (@pat_tons) July 17, 2018
