ആകാശത്തുവെച്ച് പിറന്ന ആണ്കുഞ്ഞിന് പാസ്പോര്ട്ട് അനുവദിച്ചു. ഒക്ടോബര് 5 ന് ലണ്ടനില് നിന്നു കൊച്ചിയിലേക്കുള്ള എയര് ഇന്ത്യ ബോയിങ് ഡ്രീംലൈനര് വിമാനത്തില് ജനിച്ച കുട്ടിക്കാണ് ഫ്രാങ്ക്ഫര്ട്ടിലെ ഇന്ത്യന് കോണ്സുലേറ്റ് പാസ്പോര്ട്ട് അനുവദിച്ചത്. ഷോണ് (Shawn) എന്നാണ് കുഞ്ഞിന്റെ പേര്.
ഫ്രാങ്ക്ഫര്ട്ടിലെ ആശുപത്രിയില് കഴിയുന്ന കുഞ്ഞു ഷോണിനും കുടുംബത്തിനും ഇന്ത്യയിലേക്കുള്ള യാത്ര തുടരുന്നതിനായി അടിയന്തിരമായി പാസ്പോര്ട്ട് അനുവദിച്ചത്. അസിസ്റ്റന്റ് കോണ്സുല് ഓഫിസര് ഇന്ദ്രജിത്കുമാര് ഷോണിന്റെ മാതാപിതാക്കളായ ഐപ്പ് ചെറിയാനും സിനി മറിയാമ്മ ഫിലിപ്പിനും ഷോണിന്റെ പുതിയ പാസ്പോര്ട്ട് കൈമാറി.
ഒപ്പം ജനറല് കോണ്സുലേറ്റിന്റെ സന്തോഷസൂചകമായി ബൊക്കെയും മംഗളപത്രവും സമ്മാനിച്ചു. ഡോക്ടര്മാര് അനുവദിച്ചാലുടന് ഷോണും കുടുംബവും കേരളത്തിലേയ്ക്കു പറക്കും. ലണ്ടന് – കൊച്ചി പറക്കലിനിടെ 29 ആഴ്ച പ്രായമായ അതായത് ഏഴു മാസം ഗര്ഭിണിയായ പത്തനംതിട്ട സദേശിനി സിനിക്കു പ്രസവവേദന അനുഭവപ്പെട്ടത്.
തുടര്ന്നു ഫ്ളൈറ്റിലുണ്ടായിരുന്ന രണ്ടു മലയാളി ഡോക്ടര്മാരുടെയും നാലു നഴ്സുമാരുടെയും സഹായത്തോടെയാണു ഫ്ളൈറ്റിലെ ബിസിനസ് ക്ളാസ്് ഏരിയയില് ലേബര് റൂം സജ്ജമാക്കി വിമാനാധികൃതര് പ്രസവരക്ഷ ഒരുക്കിയത്.