കൊച്ചി: കേരളത്തെ നടുക്കിയ മഹാപ്രളയം മനുഷ്യ നിര്മ്മിതമാണെന്ന ആരോപണങ്ങള്ക്ക് കരുത്തേകി അമിക്കസ് ക്യൂറി റിപ്പോര്ട്ട്. പ്രളയകാലത്ത് കേരളത്തിലെ ഡാമുകള് തുറന്നു വിട്ടതില് പാളിച്ചകളുണ്ടായെന്ന് അമിക്കസ് ക്യൂറി ഹൈക്കോടതിയില് നല്കിയ റിപ്പോര്ട്ടില് പറയുന്നു. ഇതേക്കുറിച്ച് വിശദമായ അന്വേഷണം വേണമെന്നും ജുഡീഷ്യല് അന്വേഷണം നടത്തണമെന്നും അമിക്കസ് ക്യൂറിയുടെ റിപ്പോര്ട്ടില് ആവശ്യപ്പെടുന്നുണ്ട്.
പ്രളയം കൈകാര്യം ചെയ്യുന്നതില് സര്ക്കാര് സംവിധാനങ്ങള്ക്ക് വീഴ്ച്ച പറ്റിയെന്നും ഇതേക്കുറിച്ച് പരിശോധിക്കണം എന്നാവശ്യപ്പെട്ടും പതിനഞ്ചോളം ഹര്ജികളാണ് ഹൈക്കോടതിയില് എത്തിയത്. ഈ ഹര്ജികളില് കോടതിയെ സഹായിക്കാനാണ് അമിക്കസ് ക്യൂറിയെ ഹൈക്കോടതി നിയമിച്ചത്.