ഇന്ത്യയിലെ ഉപഭോക്താക്കള്ക്കാണ് 48 മണിക്കൂര് നേരം തങ്ങളുടെ ഉള്ളടക്കങ്ങള് സൗജന്യമായി ആസ്വദിക്കാന് നെറ്റ്ഫ്ലിക്സ് അവസരം ഒരുക്കുന്നു. ഡിസംബര് മാസത്തിലെ ആദ്യ ആഴ്ചയിലെ രണ്ട് ദിവസങ്ങളിലാണ് ഈ ഓഫര് ലഭ്യമാവുക.
ഡിസംബര് അഞ്ച്, ആറ് തീയതികളിലാണ് നെറ്റ്ഫ്ലിക്സ് സൗജന്യമായി സ്ട്രീം ചെയ്യുക. കൂടുതല് സബ്സ്ക്രൈബേഴ്സാണ് നെറ്റ്ഫ്ലിക്സിന്റെ ലക്ഷ്യം. അഞ്ചാം തിയ്യതി അര്ദ്ധരാത്രി 12 മണി മുതല് ആറിന് അര്ദ്ധരാത്രി 12 മണി വരെ ആണ് ഓഫര് ലഭിക്കുക.
ഇതിനെ ഞങ്ങള് ആകാംക്ഷയോടെയാണ് കാണുന്നത്. രാജ്യത്തെ എല്ലാവര്ക്കും രണ്ട് ദിവസം സൗജന്യമായി നെറ്റ്ഫ്ലിക്സ് കണ്ടന്റുകള് നല്കുമ്പോള് ഞങ്ങളുടെ ശേഖരത്തിലുള്ളത് എന്തൊക്കെയാണെന്ന് അവര്ക്ക് മനസ്സിലാവും. ചിലരൊക്കെ നെറ്റ്ഫ്ലിക്സില് സൈന് അപ്പ് ചെയുമെന്നാണ് കരുതുന്നത്.
എന്ന് നെറ്റ്ഫ്ലിക്സ് സിഇഒ ഗ്രെഗ് പീറ്റേഴ്സ് പറയുന്നു.
പേര്, ഇമെയില് വിലാസം, പാസ്വേര്ഡ് എന്നീ വിവരങ്ങള് നല്കിയാല് ഈ ഓഫര് ലഭിക്കും. ഇത് വഴി നെറ്റ്ഫ്ലിക്സിലെ സിനിമ, സീരീസ്, ഡോക്യുമെന്ററി, റിയാലിറ്റി ഷോ തുടങ്ങിയവയെല്ലാം സൗജന്യമായി ആസ്വദിക്കാനാകും. ഓഫര് വിവരം നേരത്തെ തന്നെ നെറ്റ്ഫ്ലിക്സ് പ്രഖ്യാപിച്ചിരുന്നു.